Daniel 2:31 - Yn Vible Casherick 1775 1819

³¹ Honnick uss, O ree, as hug oo my-ner jalloo mooar; va’n jalloo mooar shoh, as erskyn-towse sollys, ny hassoo kiongoyrt rhyt, as va’n cummey echey atchimagh.

Daniel 2:31 ပူးပေါင်းရင်းမြစ်များ

Isaiah 13:11

As neem’s kerraghey yn seihll son nyn ghrogh-yannoo, as ny mee-chrauee son nyn neu-chairys; as ver-ym er kione-ardys yn vooinjer voyrnagh dy scuirr, as ver-ym sheese dy injil mooaralys yn vooinjer atchimagh.

Ezekiel 28:7

Cur-my-ner, er-y-fa shen, ver-yms lhiam joarreeyn ort, yn vooinjer atchimagh ny ashoonee: as tayrnee ad nyn gliwenyn noi aalid dty chreenaght, as nee ad dooghey dty yillid.

Daniel 2:36

Shoh yn dreamal; as nee mayd soilshaghey yn bun echey, fenish y ree.

Daniel 2:37

T’ou uss, O ree, dty ree dy reeaghyn, son ta Jee ny flaunys er choyrt dhyt reeriaght, pooar, as niart, as gloyr.

Daniel 3:1

Ren Nebuchadnezzar yn ree jalloo dy airh, va’n yrjid echey three-feed cubit, as e lheead shey cubityn: hoie eh seose eh ayns thalloo-rea Dura, ayns cheer Vabylon.

Daniel 4:36

Ec y traa cheddin, haink my resoon hym reesht, as son gloyr my reeriaght, haink my ooashley as sollyssid hym, as ren my ir-choyrlee as my hiarnyn shirrey my yeï; as va mee er my niartaghey ayns my reeriaght, as va ard-ooashley reeoil sodjey er ny choyrt dou.

Habakkuk 1:7

T’ad agglagh as atchimagh: hig nyn mriwnys, as nyn ooashley magh voue hene.

Noo Mian 4:8

Reesht hug y drogh-spyrryd lesh eh seose er slieau feer ard, as yeeagh eh da ooilley reeriaghtyn y theihll as y ghloyr oc:

Noo Luke 4:5

As hug y drogh-spyrryd lesh seose eh gys mullagh slieau ard, as ayns y tullogh hug eh shilley da jeh ooilley reeriaghtyn y theihll.