Daniel 2:30 - Yn Vible Casherick 1775 1819

³⁰ Agh er my hon’s, cha vel y folliaght shoh er ny hoilshaghey dooys, son veg y chreenaght dy vel aym’s erskyn dooinney erbee elley dy vel bio, agh er y choontey ocsyn, nee soilshaghey da’n ree bun yn ashlish, as dy choyrt dhyt’s toiggal ayns smooinaghtyn dty chree).

Daniel 2:30 ပူးပေါင်းရင်းမြစ်များ

Genesis 41:16

As dreggyr Joseph Pharaoh, gra, Cha nee aynym’s te: Jee ver da Pharaoh ansoor dy hee.

Psalmyn 139:2

T’ou uss mygeayrt my chassan, as mygeayrt my lhiabbee: as fakin ooilley my raaidyn.

Isaiah 45:4

Er graih Yacob my harvaant, as Israel my er-reiht, ta mee dy jarroo er n’eamagh ort liorish dty ennym: as ta mee er choyrt sliennoo ort, ga nagh vel enney er ny ve ayd’s orrym.

Daniel 1:17

Agh er son ny kiare scollagyn shoh, hug Jee daue tushtey as schleï ayns dy chooilley ynsaghey as creenaght: as va fysseree ec Daniel ayns dy chooilley cheint dy ashlishyn as dreamallyn.

Daniel 2:47

Dreggyr y ree Daniel, as dooyrt eh, Ta’n Jee euish son shickyrys Jee dy yeeghyn, as Chiarn er reeaghyn, as soilsheyder folliaghtyn, fakin dy row uss son y folliaght shoh y hoilshaghey.

Daniel 2:49

As hir Daniel er y ree, as hoie eh Shadrach, Meshach as Abed-nego harrish cooishyn rheam Vabylon: agh va Daniel soie [ny vriw] ayns giat y ree.

Amos 4:13

Son cur-my-ner, eshyn ta cummey ny sleityn, as croo yn gheay, as soilshaghey da dooinney, cre ta e smooinaght, ta jannoo yn moghrey dorraghys, as shooyl er ard-ynnydyn y thallooin, yn Chiarn, Jee ny flaunyssee, yn ennym echey.

Noo Mian 24:22

As mannagh beagh ny laghyn shen dy leah harrish, cha beagh dooinney bio er ny hauail: agh er graih yn chloan reiht, bee ny laghyn shen dy leah harrish.

Noo Mark 13:20

As mannagh beagh y Chiarn dy leah er n’ghoaill ny laghyn shen giare, cha beagh dooinney bio er ny hauail: agh er graih e chloan reiht t’eh er n’yannoo giare ny laghyn:

Jannoo 3:12

As tra honnick Peddyr shoh, dansoor eh yn pobble, Gheiney Israel, cre’n-fa ta shiu gindys er shoh? ny jeeaghyn cha gyere orrinyn, myr dy beagh shin liorish y phooar ny’n chraueeaght ain hene er chur er y dooinney shoh shooyl?

Romanee 8:28

As ta fys ain dy vel dy chooilley nhee gobbraghey cooidjagh son y chooid share, dauesyn ta graihagh er Jee, dauesyn t’er nyn eam cordail rish e aigney.

2 Corinthianee 4:15

Son ta dy chooilley nhee er y ghraih euish, dy voddagh yn ghrayse feoilt, trooid toyrt-booise ymmodee, bishaghey gys gloyr Yee.