Daniel 2:29 - Yn Vible Casherick 1775 1819

²⁹ (Er dty hon’s, O ree, haink smooinaghtyn dowin ayns dty chree er dty lhiabbee, cre va kiarit dy heet gy-kione ayns ny earishyn ny lurg shoh; as ta eshyn, ta soilshaghey folliaghtyn, coyrt dhyt’s toiggal cre ta kiarit dy heet:

Daniel 2:29 ပူးပေါင်းရင်းမြစ်များ

Genesis 41:25

As dooyrt Joseph rish Pharaoh, Cha vel dreamal Pharaoh cowraghey agh yn un red: ta Jee er hoilshaghey da Pharaoh, cre t’eh kiarail dy yannoo.

Ezekiel 38:10

Myr shoh ta’n Chiarn Jee dy ghra, Hig eh gy-kione myrgeddin ec y traa shen hene, dy jig smooinaghtyn ayns dty aigney, as gowee oo drogh-ourys.

Daniel 2:22

T’eh soilshaghey magh ny nheeghyn dowin as follit, t’eh toiggal cre ta ’sy dorraghys, as mârishyn ta’n soilshey cummal.

Daniel 2:23

Ta mee cur booise dhyt’s, as dy dty voylley, O uss Yee my ayraghyn, ta er choyrt dou creenaght as niart, as nish er hoilshaghey dou shen va shin dy yeearree ort: son t’ou nish er hoilshaghey dooin cooish y ree.

Daniel 2:28

Agh ta Jee ayns niau, ta soilshaghey folliaghtyn, as t’eh coyrt toiggal da’n ree Nebuchadnezzar, cre vees ayns ny laghyn jerrinagh. Yn dreamal ayd’s, as ashlishyn dty chione, er dty lhiabbee, v’ad shoh;

Daniel 2:45

Son wheesh as dy vaik oo, dy row yn clagh cleiyt ass y clieau gyn laueyn, as dy vrish eh ayns peeshyn yn yiarn, y phrash, y chray, yn argid, as yn airh; ta’n Jee mooar er hoilshaghey da’n ree, cre hig gy-kione ny lurg shoh: as ta’n dreamal firrinagh, as y bun t’er shickyr.

Daniel 2:47

Dreggyr y ree Daniel, as dooyrt eh, Ta’n Jee euish son shickyrys Jee dy yeeghyn, as Chiarn er reeaghyn, as soilsheyder folliaghtyn, fakin dy row uss son y folliaght shoh y hoilshaghey.

Amos 4:13

Son cur-my-ner, eshyn ta cummey ny sleityn, as croo yn gheay, as soilshaghey da dooinney, cre ta e smooinaght, ta jannoo yn moghrey dorraghys, as shooyl er ard-ynnydyn y thallooin, yn Chiarn, Jee ny flaunyssee, yn ennym echey.