Daniel 2:28 - Yn Vible Casherick 1775 1819

²⁸ Agh ta Jee ayns niau, ta soilshaghey folliaghtyn, as t’eh coyrt toiggal da’n ree Nebuchadnezzar, cre vees ayns ny laghyn jerrinagh. Yn dreamal ayd’s, as ashlishyn dty chione, er dty lhiabbee, v’ad shoh;

Daniel 2:28 ပူးပေါင်းရင်းမြစ်များ

Genesis 40:8

As dooyrt ad rish, Ta shin er n’yannoo dreamal, as cha vel fer erbee dy chur dooin toiggal jeh. As dooyrt Joseph roo, Nagh nee gys Jee ta bentyn dy hoilshaghey folliaghtyn? insh-jee dooys ad, ta mee guee erriu.

Genesis 41:16

As dreggyr Joseph Pharaoh, gra, Cha nee aynym’s te: Jee ver da Pharaoh ansoor dy hee.

Genesis 41:25

As dooyrt Joseph rish Pharaoh, Cha vel dreamal Pharaoh cowraghey agh yn un red: ta Jee er hoilshaghey da Pharaoh, cre t’eh kiarail dy yannoo.

Genesis 49:1

As hug Jacob fys er e vec, as dooyrt eh, Tar-jee cooidjagh, dy voddym soilshaghey diu, shen ny ta kiarit dy heet erriu, ayns ny earishyn ta ry-heet.

Psalmyn 115:3

Er son y Jee ainyn, t’eh ayns niau: t’eh er n’yannoo myr s’gooidsave lesh.

Isaiah 2:2

As hig eh gy-kione ayns ny laghyn jerrinagh, dy bee slieau thie yn Chiarn er ny hoiaghey er mullagh ny sleityn; as nee dy chooilley ashoon chionney stiagh huggey.

Jeremiah 10:7

Quoi nagh goghe aggle royd’s, O ree ny ashoonyn? son dhyt’s te cair: son wheesh as mastey ooilley deiney creeney ny ashoonyn, as ayns ooilley nyn reeriaghtyn, cha vel unnane erbee goll rhyt’s.

Jeremiah 30:24

Cha jean jymmoose eulyssagh y Chiarn chyndaa, derrey t’eh jeant magh, as derrey t’eh er chooilleeney slane kiarail e chree: ayns ny laghyn jerrinagh toiggys shiu shoh.

Jeremiah 48:47

Ny-yeih chyndaa-yms reesht cappeeys Voab ayns ny laghyn jerrinagh, ta’n Chiarn dy ghra. Choud shoh ta briwnys Voab.

Ezekiel 28:3

Cur-my-ner t’ou ny s’creeney na Daniel; cha vel folliaght erbee oddys ad y cheiltyn voïd:

Ezekiel 38:16

As hig oo seose noi my phobble Israel, myr bodjal dy choodaghey yn thalloo; bee shen ayns ny laghyn jerrinagh, as ver-yms lhiam oo noi yn thalloo aym’s, dy vod ny ashoonee geddyn tushtey jeem’s, tra veem’s er my chasherickey aynyd’s, O Ghog, kiongoyrt rish nyn sooillyn.

Ezekiel 38:8

Lurg mooarane laghyn yiow uss feaysley: ayns ny bleeantyn s’jerree hig oo stiagh ’sy cheer, t’er ny chosney reesht veih’n chliwe, as t’er ny haglym ass mooarane pobble gys sleityn Israel, ta er ny ve naardey son foddey dy braa: agh bee ad er nyn goyrt lhieu reesht ass ny ashoonyn, as nee ad ooilley baghey dy sauchey.

Daniel 1:20

As ayns dy chooilley chooish dy chreenaght as toiggal, va’n ree briaght jeu, hooar eh ad jeih keayrtyn share na ooilley ny deiney-creeney as rollageydee v’ayns ooilley e reeriaght.

Daniel 10:14

Nish ta mee er jeet dy hoilshaghey dhyt, cre haghyrys da dty phobble ayns ny laghyn jerrinagh: son ta’n ashlish cour ymmodee laghyn foast ry-heet.

Daniel 2:18

Ad dy yeearree myghinyn er Jee ny flaunys mychione y folliaght shoh; nagh jinnagh Daniel as e heshaghyn cherraghtyn, marish y chooid elley jeh deiney-creeney Vabylon.

Daniel 2:22

T’eh soilshaghey magh ny nheeghyn dowin as follit, t’eh toiggal cre ta ’sy dorraghys, as mârishyn ta’n soilshey cummal.

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Daniel 2:45

Son wheesh as dy vaik oo, dy row yn clagh cleiyt ass y clieau gyn laueyn, as dy vrish eh ayns peeshyn yn yiarn, y phrash, y chray, yn argid, as yn airh; ta’n Jee mooar er hoilshaghey da’n ree, cre hig gy-kione ny lurg shoh: as ta’n dreamal firrinagh, as y bun t’er shickyr.

Daniel 2:47

Dreggyr y ree Daniel, as dooyrt eh, Ta’n Jee euish son shickyrys Jee dy yeeghyn, as Chiarn er reeaghyn, as soilsheyder folliaghtyn, fakin dy row uss son y folliaght shoh y hoilshaghey.

Daniel 4:5

Honnick mee ashlish, daggle mee, as ren ny smooinaghtyn er my lhiabbee, as ashlishyn my chione m’y voirey.

Hosea 3:5

Ny lurg shen nee cloan Israel chyndaa reesht, as shirrey gys y Chiarn nyn Yee, as David nyn ree, as gowee ad aggle roish y Chiarn as e vieys, ayns ny laghyn jerrinagh.

Amos 4:13

Son cur-my-ner, eshyn ta cummey ny sleityn, as croo yn gheay, as soilshaghey da dooinney, cre ta e smooinaght, ta jannoo yn moghrey dorraghys, as shooyl er ard-ynnydyn y thallooin, yn Chiarn, Jee ny flaunyssee, yn ennym echey.

Earrooyn 24:14

As cur-my-ner, ta mee nish goll gys my phobble hene, tar, er-y-fa shen, as soilshee-ym dhyt, cre nee’n pobble shoh rish y pobble ayd’s, ayns ny earishyn ta ry-heet.

Noo Mian 6:9

Shen-y-fa er yn aght shoh gow-jee padjer: Ayr ain t’ayns niau, Casherick dy row dty ennym.

Deuteronomy 31:19

Shen-y-fa nish, scrieu-jee yn arrane-moyllee shoh diu hene, as ynsee-jee eh da cloan Israel: dy vod eh ve oc dy ghoaill, as dy vod yn arrane shoh ve son feanish my lieh noi cloan Israel.

Deuteronomy 4:30

As tra t’ou ayns seaghyn, as tra hig ooilley ny reddyn shoh ort, ayns ny laghyn jerrinagh, my nee oo chyndaa gys y Chiarn dty Yee, as ve biallagh da e choraa:

2 Timothy 3:1

Toig shoh myrgeddin, ayns ny laghyn jerrinagh dy jig traaghyn seaghnagh.

Hebrewnee 1:1

Jee, ren ec ymmodee earishyn, as ayns caghlaaghyn dy aghtyn, loayrt ayns y traa t’er n’gholl shaghey rish ny ayraghyn liorish ny phadeyryn,

2 Peddyr 3:3

Toiggal shoh hoshiaght, dy jig ayns ny laghyn s’jerree craidoilee, gimmeeaght lurg ny sayntyn oc hene,

Ashlish 1:1

Ashlish Yeesey Creest, hug Jee da, dy hoilshaghey da e harvaantyn reddyn shegin dy gerrit cheet gys kione; as ren eh shoh y choyrt as y chowraghey liorish ainle da e harvaant Ean: