Daniel 2:25 - Yn Vible Casherick 1775 1819

²⁵ Eisht hug Arioch lesh Daniel stiagh dy tappee kionfenish y ree, as shoh myr dooyrt eh rish, Ta mee er gheddyn dooinney jeh cloan cappeeys Yudah nee soilshaghey da’n ree bun yn ashlish.

Daniel 2:25 ပူးပေါင်းရင်းမြစ်များ

Genesis 41:14

Eisht hug Pharaoh fys, as deïe eh son Joseph, as hug ad lhieu eh chelleeragh ass y dungeon: as ghow eh yn aasaag jeh hene; as ren eh e choamrey y chaghlaa, as haink eh fenish Pharaoh.

Nehemiah 7:6

Shoh cloan y rheam haink reesht veih’n chappeeys, jeusyn va goit ersooyl, va Nebuchadnezzar ree Vabylon er choyrt lesh ersooyl, as haink reesht gys Jerusalem as Judah, dagh unnane gys e ard-valley hene;

Raaghyn Creeney 24:11

Ny bee uss liastey dy livrey adsyn ta deyrit dy baase, as adsyn ta faagit magh dy ve stroit:

Ecclesiastes 9:10

Cre-erbee t’ou goaill ayns laue dy yannoo, jean eh lesh dty niart, son cha vel veg yn obbyr, ny saase, ny tushtey, ny creenaght, ayns yn oaie raad t’ou goll.

Daniel 1:6

Nish ny mast’ oc shoh va, jeh cloan Yudah, Daniel, Hananiah, Mishael as Azariah:

Daniel 5:13

Eisht hug ad lhieu Daniel stiagh fenish y ree; as loayr y ree, as dooyrt eh rish Daniel, Nee uss yn Daniel shen, ta jeh cappeeys cloan Yudah, hug y ree my ayr lesh veih Jewry?

Daniel 6:13

Eisht dreggyr ad, as dooyrt ad kiongoyrt rish y ree, Cha vel Daniel shen, ta jeh cloan cappeeys Yudah jannoo soiaghey jeed, O ree, ny jeh’n slattys, t’ou er signal, agh t’eh goaill e phadjer three keayrtyn ’sy laa.