Daniel 2:23 - Yn Vible Casherick 1775 1819

²³ Ta mee cur booise dhyt’s, as dy dty voylley, O uss Yee my ayraghyn, ta er choyrt dou creenaght as niart, as nish er hoilshaghey dou shen va shin dy yeearree ort: son t’ou nish er hoilshaghey dooin cooish y ree.

Daniel 2:23 ပူးပေါင်းရင်းမြစ်များ

Genesis 18:17

As dooyrt y Chiarn, Jean-yms keiltyn veih Abraham shen ny ta foym dy yannoo.

Genesis 31:42

Er-be dy row Jee m’ayr, Jee Abraham, as aggle Isaac er ve mârym, son shickyrys v’ou nish er my choyrt ersooyl follym: ta Jee er vakin my heaghyn as laboraght my laueyn, as er chur oghsan dhyt riyr.

1 Reeaghyn 18:36

As haink eh gy-kione, ec traa chebbal yn oural-fastyr, dy daink Elijah yn phadeyr er-gerrey, as dooyrt eh, Hiarn Yee Abraham, Isaac, as Israel, lhig da ve er ny hoilshaghey er y laa jiu, dy vel uss y Jee ayns Israel, as dy nee mish dty harvaant, as dy vel mee er n’yannoo ooilley ny reddyn shoh ec dty ghoo.

1 Reeaghyn 8:57

Dy row’n Chiarn yn Jee ain mârin, myr v’eh marish nyn ayraghyn: ny lhig da faagail, ny treigeil shin;

1 Recortyssyn 29:10

Shen-y-fa ren David y Chiarn y vannaghey fenish ooilley’n cheshaght: as dooyrt David, Bannit dy row uss, Hiarn Yee Israel nyn ayr, son dy bragh as dy bragh.

1 Recortyssyn 29:13

Nish er-y-fa shen, nyn Yee, ta shin cur booise dhyt, as ard-voylley da dt’ennym gloyroil.

2 Recortyssyn 20:6

As dooyrt eh, O Hiarn Yee nyn ayraghyn, nagh nee uss yn Jee t’ayns niau? as nagh nee uss ta reill harrish ooilley reeriaghtyn ny ashoonee? as ayns dty laue’s nagh vel pooar as niart, myr shen nagh vod unnane erbee shassoo dt’oï?

Psalmyn 21:2

T’ou er choyrt da yeearree e chree: as cha vel oo er n’obbal da aghin e veillyn.

Psalmyn 21:4

Hir eh bea ort’s, as hug oo da bea liauyr: dy jarroo son dy bragh as dy bragh.

Psalmyn 25:14

Ta my hooillyn dy bragh jeeaghyn gys y Chiarn: son tayrnee eh my chassyn ass y ribbey.

Psalmyn 50:14

Cheb yn oural dy hoyrt-booise gys Jee: as eeck dty vreearraghyn dasyn smoo Ard;

Exodus 3:15

As dooyrt Jee ny sodjey rish Moses, Er yn aght shoh nee oo loayrt rish cloan Israel, Ta’n Chiarn Jee nyn ayraghyn, Jee Abraham, Jee Isaac, as Jee Yacob, er m’y choyrt hiuish: shoh my ennym’s son dy bragh, as shoh my imraa gys dy chooilley heeloghe.

Raaghyn Creeney 21:22

Ta dooinney schleioil cosney stiagh er ard-valley ny niartallee, as lhieggal troshid y treishteil oc.

Raaghyn Creeney 24:5

Ta dooinney creeney pooaral, as ta dooinney toiggalagh bishaghey ayns niart.

Raaghyn Creeney 8:14

Mârym’s ta coyrle vie, as keeayl fondagh: mish tushtey, as mish niart.

Ecclesiastes 7:19

Ta creenaght niart smoo da’n dooinney creeney, na jeih treanee caggee ayns ard-valley.

Ecclesiastes 9:16

Eisht dooyrt mee, Ta creenaght ny share na niart: agh ny-yeih, s’beg ta soit jeh creenaght yn dooinney boght, as cha vel e ghoan er nyn glashtyn.

Ecclesiastes 9:18

Ta creenaght ny share na greïnyn-caggee: agh ta un drogh-yantagh cur naardey saase mie ny ghaa.

Isaiah 12:1

As ayns y laa shen nee oo gra, O Hiarn, ver-ym moylley dhyt: ga dy r’ou corree rhym, ta dty yymmoose chyndaït ersooyl as t’ou dy my gherjaghey.

Jeremiah 33:3

Eïe orrym’s, as nee’m oo y reggyrt, as jeeagh-ym dhyt reddyn mooarey as yindyssagh, nagh vel toiggal ad jeu.

Daniel 1:17

Agh er son ny kiare scollagyn shoh, hug Jee daue tushtey as schleï ayns dy chooilley ynsaghey as creenaght: as va fysseree ec Daniel ayns dy chooilley cheint dy ashlishyn as dreamallyn.

Daniel 2:18

Ad dy yeearree myghinyn er Jee ny flaunys mychione y folliaght shoh; nagh jinnagh Daniel as e heshaghyn cherraghtyn, marish y chooid elley jeh deiney-creeney Vabylon.

Amos 3:7

Dy firrinagh, cha jean y Chiarn Jee nhee erbee, nagh vel eh soilshaghey yn folliaght da e harvaantyn ny phadeyryn.

Noo Mian 11:25

Ec y traa shen dreggyr Yeesey as dooyrt eh, Ta mee cur booise dhyt, O Ayr, Hiarn niau as thalloo, er-yn-oyr dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn.

Noo Luke 10:21

Ayns yn oor cheddin ghow Yeesey boggey ayns e spyrryd, as dooyrt eh, Ta mee cur booise dhyt, O Ayr, Hiarn niau as thalloo, dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn: shen dy jarroo myr te, Ayr, son shen myr ve mie ayns dty hilley’s.

Noo Ean 11:41

Eisht scugh ad y chlagh jeh’n boayl raad va’n Marroo ny lhie. As hrog Yeesey seose e hooillyn, as dooyrt eh, Ayr, ta mee cur booise dhyt dy vel oo er my chlashtyn.

Noo Ean 15:15

Veih shoh magh cha vel mee dy enmys shiu sharvaantyn; son cha vel fys ec y charvaant, cre ta e hiarn dy yannoo: agh ta mee er n’enmys shiu caarjyn; son dy chooilley nhee ta mee er chlashtyn veih my Ayr, ta mee er hoilshaghey diuish.

Ashlish 1:1

Ashlish Yeesey Creest, hug Jee da, dy hoilshaghey da e harvaantyn reddyn shegin dy gerrit cheet gys kione; as ren eh shoh y choyrt as y chowraghey liorish ainle da e harvaant Ean:

Ashlish 5:5

As dooyrt fer jeh ny shanstyryn rhym. Ny jean keayney: cur-my-ner, ec Lion kynney Yudah, fraue Ghavid, ta pooar dy osley yn lioar, as dy eaysley ny shiaght sealyn eck.