Daniel 2:21 - Yn Vible Casherick 1775 1819

²¹ As t’eh caghlaa ny traaghyn as ny imbaghyn, t’eh scughey reeaghyn as soiaghey seose reeaghyn, t’eh coyrt creenaght dauesyn ta creeney, as tushtey dauesyn ta toiggal tushtey.

Daniel 2:21 ပူးပေါင်းရင်းမြစ်များ

1 Reeaghyn 10:24

As va ooilley’n seihll shirrey gys Solomon, dy chlashtyn e chreenaght, va Jee er choyrt ayns e chree.

1 Reeaghyn 3:28

As cheayll ooilley Israel jeh’n vriwnys va’n ree er choyrt; as v’ad arrymagh roish y ree: son honnick ad dy row creenaght Yee mârish, ayns jannoo briwnys.

1 Reeaghyn 4:29

As hug Jee da Solomon creenaght as tushtey erskyn towse, as feoiltys cree, eer myr y gheinnagh ta rish oirr ny marrey.

1 Recortyssyn 22:12

Erskyn ooilley dy der y Chiarn dhyt’s creenaght as tushtey, dy ghoaill ort y currym dy reill Israel, as dy reayll leigh’n Chiarn dty Yee;

1 Recortyssyn 29:30

Mychione ooilley e reill, as e niart, as ny traaghyn hie harrishyn, as harrish Israel, as harrish ooilley reeriaghtyn ny cheeraghyn mygeayrt.

Esther 1:13

Eisht dooyrt y ree rish ny deiney creeney, va toiggal cooishyn (son shoh va cliaghtey yn ree dy ghoaill y choyrle ocsyn va tushtagh ayns leigh as briwnys:

Lioar Yob 12:18

T’eh brishey geulaghyn reeaghyn, as niartaghey nyn meeghyn lesh cryss.

Exodus 31:3

As ta mee er lhieeney eh lesh spyrryd Yee, ayns creenaght, as ayns tushtey, as ayns schleï, ayns dy chooilley vonney dy obbyr,

Exodus 31:6

As mish, cur-my-ner, ta mish er choyrt mârish, Aholiab mac Ahisamach jeh tribe Dan; as ayns ny creeaghyn ocsyn ooilley ta tushtagh ta mee er choyrt creenaght; dy vod ad jannoo ooilley ny ta mee er harey dhyt:

Daniel 1:17

Agh er son ny kiare scollagyn shoh, hug Jee daue tushtey as schleï ayns dy chooilley ynsaghey as creenaght: as va fysseree ec Daniel ayns dy chooilley cheint dy ashlishyn as dreamallyn.

Daniel 10:1

Ayns y trass vleïn jeh Cyrus ree Phersia, va folliaght er ny hoilshaghey da Daniel (va’n ennym echey Belteshazzar) as va’n chooish firrinagh, agh va’n traa er y hon foddey ry-heet, as hoig eh yn chooish, as va tushtey echey jeh’n ashlish.

Daniel 11:6

As kione bleeantyn liauyrey nee ad taaghey dy cheilley; son hig inneen ree yn jiass, gys ree yn twoaie, dy yannoo coardail: agh cha bee niart y roih mâree, chamoo nee eshyn shassoo, ny’n roih echeysyn; agh bee ish er ny livrey seose, as adsyn hug lhieu ee, as eshyn ruggyr jee, as eshyn va niartaghey ee ayns ny traaghyn shen.

Daniel 2:20

Dreggyr Daniel as dooyrt eh, Bannit dy row ennym Yee son dy bragh as dy bragh, son leshyn ta creenaght as niart.

Daniel 2:23

Ta mee cur booise dhyt’s, as dy dty voylley, O uss Yee my ayraghyn, ta er choyrt dou creenaght as niart, as nish er hoilshaghey dou shen va shin dy yeearree ort: son t’ou nish er hoilshaghey dooin cooish y ree.

Daniel 2:9

Agh mannagh jean shiu soilshaghey dou yn dreamal, cha vel ayn agh yn un vriwnys nyn gour: son ta shiu er chiaddey goan breagagh as molteyragh dy loayrt kiongoyrt rhym, derrey vees y traa ceaghlit: shen-y-fa insh-jee dou yn ashlish, as eisht bee fys aym dy vod shiu bun y choyrt er.

Daniel 4:14

Dyllee eh dy ard, as shoh myr dooyrt eh, Lhieg y billey, as giare jeh e vanganyn, crie sheese e ghuillagyn, as skah e vess; lhig da’n maase cosney ersooyl veih fo yn scadoo echey, as ny eeanlee veih e vanglaneyn.

Daniel 4:17

Ta’n chooish shoh liorish oardaghey ny arreyderyn, as y yeearree liorish goo ny flaunyssee, dy vod ny bioee toiggal, dy vel y Jee smoo syrjey reill ayns reeriaght deiney, as dy choyrt eh dauesyn saillish hene, as soiaghey harrish ny moodjeenyn s’inshley dy gheiney.

Daniel 4:22

She uss eh, O ree, ta er n’aase, as er jeet dy ve niartal; son ta dty ooashley er vishaghey, as er roshtyn gys niau, as dty reiltys gys ardjyn sodjey magh y thallooin.

Daniel 4:32

As eiyree ad magh oo veih deiney, as bee dty chummal marish maase y vagheragh: nee oo gee faiyr myr ny dew, as hig shiaght traaghyn ort, derrey vees toiggal ayd, dy vel y Jee smoo syrjey reill ayns reeriaght deiney, as coyrt eh da quoi-erbee saillish hene.

Daniel 7:25

As nee eh loayrt goan mollaghtagh noi yn er smoo syrjey, as ver eh mow nooghyn yn er smoo syrjey, as gowee eh er dy chaghlaa traaghyn, as leighyn; as bee ad er ny choyrt ayns y laue echey, derrey traa as traaghyn, as leih traa.

Noo Luke 21:15

Son ver-yms diu beeal as creenaght, nagh bee ooilley nyn noidyn son loayrt ny shassoo magh n’oï.

Romanee 13:1

Lhig da dy chooilley annym ve biallagh da ny pooaraghyn syrjey; son cha vel pooar ayn agh veih Jee: ta ny pooaraghyn t’ayn er nyn bointeil liorish Jee.

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey-ys:

Jamys 1:17

Ta dy chooilley ghioot mie, as dy chooilley ghioot firrinagh veih’n yrjey, as cheet neose veih Ayr y toilshey, mârish nagh vel caghlaa erbee, ny scadoo dy hyndaa.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.

Ashlish 19:16

As ta echey er e gharmad as er e lheeasid ennym scruit, REE DY REEAGHYN, AS CHIARN DY HIARNYN.