Daniel 2:20 - Yn Vible Casherick 1775 1819

²⁰ Dreggyr Daniel as dooyrt eh, Bannit dy row ennym Yee son dy bragh as dy bragh, son leshyn ta creenaght as niart.

Daniel 2:20 ပူးပေါင်းရင်းမြစ်များ

Genesis 14:20

As bannit dy row yn Jee smoo syrjey, ta er livrey dty noidyn gys dty phooar. As hug eh jaghee da jeh ooilley e spooilley.

1 Reeaghyn 8:56

Bannit dy row’n Chiarn, t’er chur fea da e phobble Israel, cordail rish ooilley e yialdinys: cha vel fockle hene er vailleil jeh ooilley e yialdinys, ren eh gialdyn liorish e harvaant Moses.

1 Recortyssyn 29:20

As dooyrt David rish ooilley’n cheshaght, Nish bannee-jee’n Chiarn nyn Yee. As ren y slane sheshaght yn Chiarn Jee nyn ayraghyn y vannaghey, as chroym ad sheese nyn ghing, as hug ad ooashley da’n Chiarn, as y ree.

2 Recortyssyn 20:21

As tra v’eh er ghoaill coyrle y pobble, phoint eh arrane dy choyrt ard-voylley da’n Chiarn ayns aalid e chasherickys, myr v’ad goll magh roish y cheshaght-chaggee, as dy ghra, Moylley-jee’n Chiarn, son ta e vyghin farraghtyn son dy bragh.

Nehemiah 9:5

Eisht dooyrt ny Leviteyn, Jeshua, as Kadmiel, Bani, Hashabniah, Sherebiah, Hodijah, Shebaniah, as Pethahiah, Shass-jee seose as bannee-jee yn Chiarn nyn Yee son dy bragh as dy bragh; as bannit dy row dty ennym gloyroil, ta foddey erskyn dy chooilley vannaght as moylley.

Lioar Yob 12:13

Marish Jee ta creenaght as niart, dasyn ta bentyn coyrle as tushtey.

Psalmyn 113:1

Moylley-jee yn Chiarn, shiuish e harvaantyn: O moylley-jee Ennym y Chiarn.

Psalmyn 113:2

Bannit dy row Ennym y Chiarn: veih’n traa shoh magh er son dy bragh.

Psalmyn 115:18

Agh nee shinyn y Chiarn y voylley: veih’n traa shoh magh son dy bragh. Moylley-jee yn Chiarn.

Psalmyn 147:5

S’mooar ta’n Chiarn ainyn, as s’mooar ta e phooar: dy jarroo, ta e chreenaght erskyn earroo.

Psalmyn 41:13

Bannit dy row yn Chiarn Jee dy Israel: seihll gyn jerrey. Amen.

Psalmyn 50:23

Quoi-erbee ta chebbal dou booise as moylley, t’eh cur onnor dou: as dasyn, ta reill e ymmyrkey dy cair, soilshee-yms saualtys Yee.

Psalmyn 62:11

Loayr Jee un cheayrt, as daa cheayrt ta mish er chlashtyn y lheid cheddin: dy vel pooar bentyn gys Jee;

Raaghyn Creeney 8:14

Mârym’s ta coyrle vie, as keeayl fondagh: mish tushtey, as mish niart.

Jeremiah 32:19

Mooar ayns coyrle, as pooaral ayns dty obbraghyn: (son ta dty hooillyn foshlit er ooilley raaidyn cloan gheiney, dy choyrt da dagh unnane cordail rish e raaidyn, as cordail rish mess e obbraghyn:)

Ezekiel 28:3

Cur-my-ner t’ou ny s’creeney na Daniel; cha vel folliaght erbee oddys ad y cheiltyn voïd:

Noo Mian 6:13

As ny leeid shin ayns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh, Amen.

Jude 1:24

Nish huggeysyn ta abyl dy reayll shiu veih tuittym, as dy hebbal shiu gyn loght kionfenish e ghloyr lesh boggey erskyn towse,

Ashlish 5:12

Gra lesh ard-choraa, Feeu ta’n Eayn v’er ny varroo, dy gheddyn pooar, as berchys, as creenaght, as niart, as ooashley, as gloyr, as bannaght.