Daniel 2:18 - Yn Vible Casherick 1775 1819

¹⁸ Ad dy yeearree myghinyn er Jee ny flaunys mychione y folliaght shoh; nagh jinnagh Daniel as e heshaghyn cherraghtyn, marish y chooid elley jeh deiney-creeney Vabylon.

Daniel 2:18 ပူးပေါင်းရင်းမြစ်များ

Genesis 18:28

Abbyr dy bee queig giare jeh’n jeih as da-eed dy leih cairal; jean oo yn slane ard-valley y stroie son laccal queig? As dooyrt eh, My yioym ayns shen queig as da-eed, cha stroie-ym eh.

Psalmyn 136:26

O cur-jee booise da Jee ny niaughyn: son ta e vyghin farraghtyn son dy bragh.

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Psalmyn 91:15

Nee eh geamagh orrym, as ver-ym clashtyn da: dy jarroo, ta mee mârish ayns seaghyn; livrey-ym eh, as ver-ym lhiam eh gys onnor.

Isaiah 37:4

Foddee eh ’ve, dy jean y Chiarn dty Yee clashtyn goan Rabshakeh, ta ree Assyria e vainshtyr er choyrt dy oltooaney yn Jee bio, as dy der eh oghsan da ny goan ta’n Chiarn dty Yee er chlashtyn: shen-y-fa trog seose dty phadjer son y fooilliagh ta faagit.

Jeremiah 33:3

Eïe orrym’s, as nee’m oo y reggyrt, as jeeagh-ym dhyt reddyn mooarey as yindyssagh, nagh vel toiggal ad jeu.

Ezekiel 36:37

Myr shoh ta’n Chiarn Jee dy ghra, Nee thie Israel foast shirrey hym dy yannoo shen er nyn son; nee’m adsyn y vishaghey lesh deiney myr shioltane.

Daniel 2:23

Ta mee cur booise dhyt’s, as dy dty voylley, O uss Yee my ayraghyn, ta er choyrt dou creenaght as niart, as nish er hoilshaghey dou shen va shin dy yeearree ort: son t’ou nish er hoilshaghey dooin cooish y ree.

Daniel 3:17

My she shen myr te, ta slane fort ec y Jee ain, ta shin dy hirveish, dy livrey shin veih’n choirrey aileagh-loshtee, as nee eh shinyn y livrey ass dty laueyn’s, O ree.

Daniel 4:26

As son wheesh as dy doardee ad, dy aagail bun fraueyn y villey; bee dty reeriaght shickyr dhyt, lurg fys ’ve ayd dy vel ny niaughyn reill.

Jonah 1:9

As dooyrt eh roo, She Hebrew mee, as ta mee goaill aggle roish y Chiarn, Jee ny flaunys, t’er chroo yn aarkey as y thalloo chirrym.

Malachi 3:18

Eisht nee shiu chyndaa, as ver shiu lhiettrimmys eddyr y dooinney cairal, as mee-chairal; eddyr eshyn ta shirveish Jee, as eshyn nagh vel shirveish eh.

Noo Mian 18:12

Cre ta shiu smooinaghtyn? My ta keead keyrrey ec dooinney, as unnane jeu v’er n’gholl er-shaghryn, nagh vel eh faagail yn chiare-feed as yn nuy-jeig, as goll gys ny sleityn, as shirrey yn cheyrrey chailjey?

Noo Mian 18:19

Reesht ta mee gra riu, my nee jees jiuish coardail er y thalloo ’syn un aghin, bee nyn aghin er ny chooilleeney liorish my Ayr t’ayns niau.

Jannoo 12:4

As tra v’eh er ghoaill eh, hug eh eh ayns pryssoon, as livrey eh eh fo currym kiare fileyn dy hidooryn dy reayll eh, kiarail lurg y Chaisht dy chur lesh eh magh gys y pobble.

Romanee 15:30

Nish ta mee guee erriu, vraaraghyn, er graih nyn Jiarn Yeesey Creest, as er graih’n Spyrryd, dy jean shiu gobbraghey cooidjagh mârym ayns nyn badjeryn gys Jee er my hon’s;

2 Peddyr 2:9

Ec y Chiarn ta fys kys dy livrey yn sleih crauee ass seaghyn, as dy reayll ny mee-chrauee gys laa ny briwnys dy ve er nyn gerraghey:

1 Samuel 17:37

Dooyrt David ny-sodjey, Yn Chiarn ren mish y livrey ass croag y lion, as veih croag y vuc-awin, eshyn nee m’y livrey ass laue yn Philistine shoh. As dooyrt Saul rish David, Gow er dty hoshiaght, as y Chiarn dy row mayrt.