Daniel 12:7 - Yn Vible Casherick 1775 1819

⁷ As cheayll mee yn dooinney coamrit ayns aanrit, va er ushtaghyn ny hawin, tra chum eh seose e laue yesh, as e laue hoshtal gys niau, as loo eh liorishyn ta bio son dy bragh, dy bee eh son traa, traaghyn, as lieh traa, as tra vees eh dy slane bollagh er chooilleeney scaalhean pooar y phobble casherick, bee ooilley ny reddyn shoh jeant mie.

Daniel 12:7 ပူးပေါင်းရင်းမြစ်များ

Lioar Yob 27:2

Myr ta Jee bio, t’er lhaggaghey my vriwnys; as yn Ooilley-niartal, t’er heaghney m’annym;

Isaiah 62:12

As bee ad enmyssit Yn pobble casherick, Cloan chionnit y Chiarn: as bee uss enmyssit Ennoil, Yn ard-valley nagh vel treigit.

Jeremiah 4:2

As shoh myr nee oo loo y ghoaill, Myr ta’n Chiarn bio, ayns firrinys, ayns briwnys, as ayns ynrickys; as nee ny ashoonyn ad hene y vannaghey aynsyn, as aynsyn nee ad boggyssagh.

Ezekiel 20:5

As abbyr roo, Myr shoh ta’n Chiarn Jee dy ghra, Er y laa reih mee Israel, as hrog mee seose my laue gys sluight thie Yacob, as hoilshee mee mee-hene daue ayns cheer Egypt, tra hrog mee seose my laue huc, gra, Mish y Chiarn nyn Yee,

Daniel 10:5

Eisht hrog mee my hooillyn, as yeeagh mee, as cur-my-ner, dooinney dy row coamrit ayns aanrit, as mysh e veeghyn cryss jeh glen airh Uphaz:

Daniel 11:13

Son nee ree yn twoaie chyndaa reesht n’oï, as ver eh magh earroo ny smoo na’n chied earroo, as hig eh son shickyrys (lurg shiartanse dy vleeantyn) lesh sheshaght-caggee vooar, as mooarane berchys.

Daniel 12:6

As dooyrt fer jeu rish y dooinney va coamrit ayns aanrit, va er ushtaghyn ny hawin, Caïd vees eh gys jerrey ny yindyssyn shoh?

Daniel 12:8

As cheayll mee, agh cha hoig mee: eisht dooyrt mee, O my hiarn, cre vees jerrey ny reddyn shoh?

Daniel 4:31

Choud as va’n goo foast ayns beeal y ree, haink coraa veih niau, gra, Ort’s, O ree Nebuchadnezzar, te sarit, Ta’n reeriaght er n’immeeaght voïd’s.

Daniel 4:34

As ec kione ny laghyn shen, hrog mish Nebuchadnezzar my hooillyn gys niau, as haink my hushtey hym reesht, as vannee mee yn er smoo syrjey, as hug mee moylley as ooashley dasyn ta dy bragh beayn, e reiltys ta reiltys dy bragh farraghtyn, as e reeriaght ta veih sheeloghe gys sheeloghe.

Daniel 7:21

Yeeagh mee, as ren yn eairk cheddin caggey rish ny nooghyn, as cosney orroo.

Daniel 7:25

As nee eh loayrt goan mollaghtagh noi yn er smoo syrjey, as ver eh mow nooghyn yn er smoo syrjey, as gowee eh er dy chaghlaa traaghyn, as leighyn; as bee ad er ny choyrt ayns y laue echey, derrey traa as traaghyn, as leih traa.

Daniel 8:14

As dooyrt eh rhym, Derrey daa housane as three cheead laa; eisht bee yn ynnyd casherick er ny ghlenney.

Daniel 8:24

As bee yn pooar echey niartal, agh cha nee liorish e phooar hene; as nee eh stroie ayns aght yindyssagh, as hed eh er e hoshiaght, as hig eh lesh, as ver eh naardey yn vooinjer niartal, as y pobble casherick.

Noo Luke 21:14

Kiare-jee eh er-y-fa shen ayns nyn gree, gyn shiu dy smooinaghtyn ro-laue cre nee shiu y reggyrt.

Noo Luke 21:24

As tuittee ad er foyr y chliwe, as bee ad er nyn ghoaill ersooyl nyn gappeeyn gys dy chooilley ashoon: as bee Jerusalem er ny stampey sheese liorish ny Ashoonee, derrey vees traa ny Ashoonee er ny chooilleeney.

Deuteronomy 26:19

As dy hoiaghey oo seose, erskyn ooilley ny ashoonyn t’eh er chroo, ayns moylley, as ayns ennym, as ayns ooashley, dy vod oo ve ny phobble casherick da’n Chiarn dty Yee, myr t’eh er loayrt.

Deuteronomy 32:36

Son nee’n Chiarn briwnys e phobble, as bee chymmey echey er e harvaantyn; tra hee eh dy vel y phooar oc er n’immeeaght, as nagh vel veg y chooney faagit nyn gour.

Deuteronomy 32:40

Son ta mee troggal seose my laue gys niau, as gra, Ta mee bio son dy bragh.

Deuteronomy 7:6

Son pobble casherick shiuish gys y Chiarn nyn Yee: ta’n Chiarn nyn Yee er reih shiu dy ve ny phobble er-lheh da hene, erskyn dy chooilley ashoon t’er feaï-ny-cruinney.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

Ashlish 12:14

As da’n ven v’er ny choyrt daa skian dy urley vooar, dy voddagh ee getlagh gys yn aasagh, gys yn ynnyd eck hene: raad ta beaghey kiarit j’ee son traa, as traaghyn, as lieh traa, veih eddin yn ard-nieu.

Ashlish 12:6

As hie yn ven er-chea gys yn aasagh, raad ta boayl eck kiarit liorish Jee dy jinnagh ad ish y veaghey ayns shen thousane daa cheead as three-feed laa.

Ashlish 13:5

As va beeal er ny choyrt da, loayrt reddyn mooaralagh as mollaghtagh; as va pooar echey dy hannaghtyn daa vee as da-eed.

Ashlish 4:10

Ta ny kiare shanstyryn as feed tuittym sheese kiongoyrt rishyn va ny hoie er y stoyl-reeoil, as coyrt ooashley dasyn ta bio son dy bragh as dy bragh, as t’ad ceau sheese ny attaghyn oc kiongoyrt rish y stoyl-reeoil, gra,

Ashlish 4:9

As choud as ta ny cretooryn shen coyrt gloyr, as ooashley, as booise dasyn va ny hoie er y stoyl-reeoil, ta bio son dy bragh as dy bragh.