Daniel 12:6 - Yn Vible Casherick 1775 1819

⁶ As dooyrt fer jeu rish y dooinney va coamrit ayns aanrit, va er ushtaghyn ny hawin, Caïd vees eh gys jerrey ny yindyssyn shoh?

Daniel 12:6 ပူးပေါင်းရင်းမြစ်များ

Psalmyn 74:9

Dy jarroo, dooyrt ad ayns nyn greeaghyn, Lhig dooin ad y stroie dy bollagh ooilley-cooidjagh: myr shoh t’ad er lostey seose ooilley thieyn Yee ’sy cheer.

Ezekiel 9:2

As cur-my-ner, haink shey deiney veih raad y yiat syrjey ta lesh y twoaie, as dy chooilley ghooinney lesh greïe-chaggee ny laue: as va un dooinney ny mast’ oc v’er ny choamrey lesh aanrit, lesh inkhorn scrudeyr rish e lhiattee, as hie ad stiagh, as hass ad liorish yn altar prashey.

Daniel 12:5

Eisht yeeagh mish Daniel, as cur-my-ner va jees elley nyn shassoo, fer er y cheu shoh jeh broogh ny hawin, as fer er y cheu elley jeh broogh ny hawin.

Daniel 12:8

As cheayll mee, agh cha hoig mee: eisht dooyrt mee, O my hiarn, cre vees jerrey ny reddyn shoh?

Daniel 8:13

Eisht cheayll mee noo loayrt, as dooyrt noo dy row rish yn noo shen ren loayrt: Caïd nee yn ashlish farraghtyn, yn oural-laaoil ve goit ersooyl, as loght yn traartys tannaghtyn, as yn ynnyd casherick, as e heshaght dy ve stampit fo-chosh?

Daniel 8:16

As cheayll mee coraa dooinney eddyr brooinyn Ulai, gyllagh, as gra, Ghabriel, cur er y dooinney shoh dy hoiggal yn ashlish.

Noo Mian 24:3

As myr v’eh ny hoie er cronk ny Oliveyn, haink e ostyllyn huggey er-lheh, gra, Insh dooin, cuin vees ny reddyn shoh? as cre’n cowrey vees jeh’n cheet ayd, as jeh jerrey yn theihll?

Noo Mark 13:4

Insh dooin, cuin vees ny reddyn shoh? as cre vees y cowrey tra vees dy chooilley nhee jeu shoh er nyn gooilleeney?

Ephesianee 3:10

Dy voddagh nish v’er ny hoilshaghey da ny ard-reillyn as pooaraghyn ayns ynnydyn flaunyssagh liorish yn agglish ymmodee-filley creenaght Yee,

1 Peddyr 1:12

Dauesyn ve er ny hoilshaghey, nagh nee daue hene, agh dooinyn, ren ad shirveish ny reddyn ta nish er ny ockley magh lioroosyn ta er phreacheil y sushtal diuish, marish yn Spyrryd Noo er ny choyrt neose veih niau, ny reddyn cheddin ta ny ainleyn geearree baght y gheddyn jeu.

Ashlish 15:6

As haink ny shiaght ainleyn magh ass y chiamble, as ny shiaght kerraghyn oc, coamrit lesh aanrit glen as gial, as cryssyn airh mysh nyn mean.

Ashlish 19:14

As deiyr er sheshaghtyn-caggee niau, er cabbil baney, coamrit lesh aanrit keyl, gial as glen.

Ashlish 6:10

As deïe ad lesh ard-choraa, gra, Caïd, O Hiarn, casherick as firrinagh, nagh vel uss briwnys as goaill cooilleeney son yn uill ain er fir-vaghee yn thallooin?