Daniel 12:4 - Yn Vible Casherick 1775 1819

⁴ Agh uss, O Ghaniel, jeigh seose ny goan, as seal y lioar, eer gys traa yn jerrey: nee ymmodee roie noon as noal, as bee tushtey er ny vishaghey.

Daniel 12:4 ပူးပေါင်းရင်းမြစ်များ

Isaiah 11:9

Cha jean ad gortaghey ny stroie ayns ooilley my lieau’s casherick: son bee yn seihll lane jeh tushtey yn Chiarn, myr ta ny ushtaghyn coodaghey diunid ny marrey.

Isaiah 29:11

As ta’n ashlish jeh ooilley shoh diuish goll-rish goan lioar ta sealit, ta deiney livrey gys fer ta ynsit, gra, Lhaih shoh, ta mee guee ort: as t’eshyn gra, Cha voddym; son te sealit.

Isaiah 30:26

Myrgeddin, bee soilshey yn eayst myr soilshey yn ghrian, as bee soilshey yn ghrian shiaght-filley, myr soilshey shiaght laa, ’sy laa ta’n Chiarn soïlley seose assee e phobble, as lheihys guinn nyn lhottyn.

Isaiah 32:3

As cha bee ny sooillyn ocsyn moal ta fakin; as nee ny cleayshyn ocsyn ta clashtyn geaishtagh.

Isaiah 8:16

Jean-jee yn recortys shickyr, seal-jee seose y leigh ny mast’ ocsyn ta geiyrt er my ynsagh.

Jeremiah 5:1

Roie-jee noon as noal trooid straïdyn Yerusalem, as jeeagh-jee nish, as shir-jee ayns e ynnydyn smoo taaghit, my oddys shiu dooinney y gheddyn, my ta fer erbee ta coyrt briwnys cairagh, ta shirrey magh yn ynrickys; as neem’s leih jee.

Daniel 10:1

Ayns y trass vleïn jeh Cyrus ree Phersia, va folliaght er ny hoilshaghey da Daniel (va’n ennym echey Belteshazzar) as va’n chooish firrinagh, agh va’n traa er y hon foddey ry-heet, as hoig eh yn chooish, as va tushtey echey jeh’n ashlish.

Daniel 10:14

Nish ta mee er jeet dy hoilshaghey dhyt, cre haghyrys da dty phobble ayns ny laghyn jerrinagh: son ta’n ashlish cour ymmodee laghyn foast ry-heet.

Daniel 10:21

Agh neem’s soilshaghey dhyt shen ta scruit ayns lioar yn ynrickys; as cha vel unnane ta niartaghey eh-hene mârym ayns ny cooishyn shoh, agh Michael yn prince euish.

Daniel 11:33

As nee adsyn ta tushtey oc mastey’n pobble, ymmodee y ynsaghey; ny-yeih tuittee ad, liorish y chliwe, as lesh aile, lesh cappeeys, as lesh spooilley, ymmodee laghyn.

Daniel 11:40

As ec traa yn jerrey, nee ree yn jiass puttey n’oï, as hig ree yn twoaie n’oï myr geay-chassee, lesh fainee, as lesh markee, as lesh niart lhuingys, as hed eh stiagh ayns ny cheeraghyn, as nee eh lhieeney harrish, as goll ny hrooid.

Daniel 12:13

As immee uss royd, derrey vees y jerrey: son bee oo ec fea, as shassoo ayns dty chronney ec jerrey ny laghyn.

Daniel 12:5

Eisht yeeagh mish Daniel, as cur-my-ner va jees elley nyn shassoo, fer er y cheu shoh jeh broogh ny hawin, as fer er y cheu elley jeh broogh ny hawin.

Daniel 12:9

As dooyrt eh, Immee royd, Ghaniel: son ta ny goan jeight seose, as sealit, gys traa yn jerrey.

Daniel 8:17

Eisht haink eh er-gerrey da’n boayl raad va mee my hassoo: as tra haink eh, va mee fo atchim, as huitt mee er my eddin: agh dooyrt eh rhym, Gow toiggal, uss vac y dooinney: son ayns traa cooie bee jerrey er yn ashlish.

Daniel 8:19

As dooyrt eh, Cur-my-ner, soilshee-ym dhyt, cre hig gy-kione ec jerrey yn jymmoose: son ec y traa pointit vees y jerrey er.

Daniel 8:26

As ta ashlish yn astyr as y voghrey, va inshit, firrinagh: shen-y-fa jeigh seose yn ashlish, son bee eh gys ymmodee laghyn.

Noo Mian 24:14

As bee sushtal yn reeriaght er ny phreacheil ayns ooilley yn seihll, son feanish da dy chooilley ashoon, as eisht nee yn jerrey cheet.

Romanee 10:18

Agh ta mish dy ghra, Nagh vel adsyn er chlashtyn? Ta dy feer, hie yn coraa oc er feaï-ny-cruinney, as ny goan oc gys ny ardjyn sodjey magh jeh’n theihll.

Ashlish 10:4

As tra va ny shiaght taarnaghyn erreish fockley-magh nyn goraa, va mee kiarit dy scrieu: as cheayll mee coraa veih niau, gra rhym, Seal seose ny reddyn shen ta ny shiaght taarnaghyn er vockley-magh, as ny scrieu ad.

Ashlish 22:10

As dooyrt eh rhym, Ny seal raaghyn phadeyrys y lioar shoh: son ta’n traa er-gerrey.

Ashlish 5:1

As honnick mee ayns y laue yesh echeysyn va soie er y stoyl-reeoil, lioar scruit er y cheu-sthie as er-y-chooyl, sealit lesh shiaght sealyn.