Daniel 12:13 - Yn Vible Casherick 1775 1819

¹³ As immee uss royd, derrey vees y jerrey: son bee oo ec fea, as shassoo ayns dty chronney ec jerrey ny laghyn.

Daniel 12:13 ပူးပေါင်းရင်းမြစ်များ

Psalmyn 1:5

Er son ny mee-chrauee, cha vel eh myr shen mâroosyn: agh t’ad goll-rish y choau ta’n gheay dy heebey veih eddin y thallooin.

Psalmyn 16:5

Nyn ourallyn-iu folley cha jean-yms y hebbal: chamoo nee’m imraa jeh’n ennym oc cheu-sthie jeh my veillyn.

Psalmyn 16:9

Ta mee er hoiaghey Jee kinjagh kiongoyrt rhym: son t’eh er my laue yesh, shen-y-fa cha jean-ym tuittym.

Exodus 33:14

As dooyrt eshyn, Bee my enish mayrt, as ver-ym dhyt fea.

Daniel 12:3

As nee adsyn ta creeney soilshean casley rish sollyssid yn aer, ad adsyn ta chyndaa ymmodee gys cairys, myr ny rollageyn, son dy bragh as dy bragh.

Daniel 12:4

Agh uss, O Ghaniel, jeigh seose ny goan, as seal y lioar, eer gys traa yn jerrey: nee ymmodee roie noon as noal, as bee tushtey er ny vishaghey.

Zechariah 3:7

Myr shoh ta Chiarn ny flaunyssee dy ghra, My nee uss gimmeeaght ayns my raaidyn, as my nee uss my churrym y reayll, eisht nee uss myrgeddin briwnys ayns my hie’s, as freayll my chooyrtyn, as ver-yms dhyt ynnydyn dy hooyl orroo mastey yn slane eanish.

Noo Mian 19:28

Dooyrt Yeesey roo, Dy firrinagh ta mee gra riu, ’Sy stayd noa, tra nee Mac y dooinney soie er stoyl-reeoil e ghloyr, dy jean shiuish myrgeddin t’er n’eiyrt orrym’s soie er daa stoyl-reeoil yeig, briwnys daa heeloghe yeig Israel.

Noo Luke 21:36

Bee-jee er nyn dwoaie er-y-fa shen, as bee-jee kinjagh ayns padjer, dy vod shiu ve coontit feeu dy scapail ooilley ny reddyn shoh hig gy-kione, as dy hassoo kiongoyrt rish Mac y dooinney.

2 Corinthianee 5:1

Son ta fys ain, dy beagh y thie thallooinagh ain jeh’n chabbane shoh er ny choyrt naardey, dy vel ynnyd-vaghee ain veih Jee, thie nagh vel jeant lesh laueyn, dy bragh farraghtyn ayns ny niaughyn.

2 Thessalonianee 1:7

As diuish ta seaghnit, fea mârin, tra vees y Chiarn Yeesey er ny hoilshaghey veih niau marish e ainleyn niartal.

Ashlish 14:13

As cheayll mee coraa veih niau, gra rhym, Scrieu, Veih shoh magh, bannit ta ny merriu ta geddyn baase ayns y Chiarn: Dy jarroo myr shen ta’n Spyrryd dy ghra, son t’ad ec fea veih nyn seaghyn; as ta nyn obbraghyn geiyrt daue.