Daniel 12:1 - Yn Vible Casherick 1775 1819

¹ As ec y traa shen, shassee Michael seose, yn ard-phrince, ta ass lieh cloan dty phobble, as hig traa seaghnagh, lheid as nagh row rieau neayr va ashoon, gys yn eer traa cheddin: as ec y traa shen bee dty phobble er ny livrey, dagh unnane vees ry-gheddyn scruit ayns y lioar.

Daniel 12:1 ပူးပေါင်းရင်းမြစ်များ

Psalmyn 56:8

T’ou freayll coontey jeh my imman veih boayl dy boayl; cur my yheïr ayns dty voteil: nagh vel ny reddyn shoh scruit ayns dty lioar?

Psalmyn 69:28

Lhig daue tuittym veih un pheccah gys peccah elley: as gyn cheet stiagh gys dty ynrickys.

Isaiah 4:3

As hig eh gy-kione, dy bee eshyn ta faagit ayns Zion, as eshyn ta er-mayrn ayns Jerusalem, enmyssit casherick, dy jarroo dagh unnane ta e ennym currit stiagh son bio ayns Jerusalem:

Isaiah 9:7

Er mooadys e reill as e hee cha bee jerrey, er stoyl-reeoil Ghavid, as er e reeriaght, dy oardrail eh, as dy niartaghey eh lesh briwnys as cairys, veih’n traa shoh magh eer son dy bragh. Graih jeean Chiarn ny flaunyssee nee shoh y chooilleeney.

Jeremiah 30:10

Shen-y-fa ny gow aggle, O my harvaant Jacob, ta’n Chiarn dy ghra; as ny lhig sheese, dty chree, O Israel: son cur-my-ner saue-yms oo veih foddey, as dty luight veih cheer nyn gappeeys; as nee Jacob chyndaa, as bee eh ayns shee as sauchys, as cha bee eh ayns aggle roish noid erbee.

Jeremiah 30:7

Ah treih! son s’mooar seaghnagh vees y laa shen, laa nagh row rieau y lheid; eer earish hrimshagh Yacob; agh yiow eh livrey-ys.

Ezekiel 13:9

As bee my laue er ny phadeyryn ta fakin fardalys, as ta jannoo phadeyrys breagagh, cha bee ad mastey sheshaght my phobble, chamoo vees ad er nyn scrieu ayns recortyssyn thie Israel, chamoo hed ad stiagh ayns thalloo Israel, as bee fys eu dy nee mish y Chiarn Jee.

Ezekiel 34:24

As mish y Chiarn vees yn Jee ocsyn, as bee my harvaant David prince nyn mastey, mish y Chiarn t’er loayrt eh.

Ezekiel 5:9

As neem’s aynyd shen nagh vel mee foast er n’yannoo, as y lheid nagh jean-ym arragh, kyndagh rish ooilley dty ghrogh-yannoo.

Daniel 10:13

Agh ren prince reeriaght Phersia shassoo m’oï, laa as feed; agh cur-my-ner haink Michael ard-phrince ny princeyn dy chooney lhiam, as duirree mee ayns shen marish reeaghyn Phersia.

Daniel 10:21

Agh neem’s soilshaghey dhyt shen ta scruit ayns lioar yn ynrickys; as cha vel unnane ta niartaghey eh-hene mârym ayns ny cooishyn shoh, agh Michael yn prince euish.

Daniel 11:45

As troggee eh cabbaneyn e champ eddyr ny faarkaghyn, er y clieau gloyroil casherick; ny-yeih hig jerrey er, as cha jean fer erbee cooney lesh.

Daniel 7:10

Ren strooan aileagh lhieeney, as haink eh magh veih kiongoyrt rish: va thousaneyn dy housaneyn shirveish er, as jeih thousane keayrtyn jeih thousaneyn shassoo kiongoyrt rish: va’n vriwnys soit, as ny lioaryn foshlit.

Daniel 9:12

As t’eh er chooilleeney e ghoan, loayr eh nyn ’oï, as noi ny briwnyn va dy vriwnys shin, liorish coyrt lesh orrin kerraghey trome: son fo ooilley niau cha row rieau y lheid as ta er ny ve jeant er Jerusalem.

Joel 2:2

Laa dy ghorraghys, as dy ghrooid, laa dy vodjallyn as dy ghorraghys dowin, myr y voghrey skeaylt er ny sleityn; pobble mooar as niartal, cha row rieau nyn lheid, chamoo vees arragh ny lurg oc, eer gys bleeantyn ymmodee sheelogheyn.

Malachi 3:16

Eisht loayr adsyn, va goaill aggle roish y Chiarn, dy mennick ry-cheilley, as deaisht y Chiarn, as cheayll eh, as va lioar imraa scruit kiongoyrt rish, er y hon ocsyn va goaill aggle roish y Chiarn, as va gimraa er e ennym.

Noo Mian 24:21

Son bee seaghyn mooar ec y traa shen, lheid as nagh row er-dy hoshiaght y theihll gys y traa t’ayn nish, as lheid as nagh bee dy bragh arragh.

Noo Mark 13:19

Son bee seaghyn ayns ny laghyn shen, lheid as nagh row er-dy hoshiaght y theihll ta Jee er chroo, gys yn earish shen, as lheid as nagh bee arragh dy bragh.

Noo Luke 10:20

Ny-yeih ayns shoh ny gow-jee boggey, dy vel ny spyrrydyn biallagh diu: agh gow-jee boggey smoo, dy vel ny enmyn eu scruit ayns niau.

Romanee 11:15

Son my she liorish tilgey adsyn jeh, va Ashoonee yn theihll goit gys foayr; cre vees yn goaill stiagh oc reesht, agh bioys veih ny merriu?

Romanee 11:26

As myr shen bee ooilley Israel er nyn sauail: myr te scruit, Hig saualtagh ass Sion, as chyndaa-ee eh ersooyl mee-chraueeaght voish Jacob.

Ephesianee 1:21

Foddey erskyn dy chooilley ard-ooashley, as pooar, as niart, as reill, as dy chooilley ennym ta enmyssit, cha nee ynrycan ’sy theihll shoh, agh myrgeddin ayns shen ta ry-heet:

Philippianee 4:3

As ta mee guee ort’s myrgeddin, cho-obbree firrinagh, cooin lesh ny mraane shen ren m’y hirveish ayns y sushtal, marish Clement myrgeddin, as y chooid elley jeh my cho-labreeyn, ny enmyn oc ta ayns lioar y vea.

Jude 1:9

Agh Michael yn ard-ainle, tra ayns streeu rish y drogh-spyrryd, v’eh pleadeil mychione corp Voses, cha ghow eh er dy choyrt stiagh plaiynt oltooanagh n’oï, agh dooyrt eh, Dy der y Chiarn oo dty host.

Ashlish 1:5

As veih Yeesey Creest, yn feanish firrinagh, as y chied-er-ny-ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 12:7

As va caggey ayns niau: ren Michael as e ainleyn caggey noi’n dragon, as ren y dragon as e ainleyn caggey;

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er-dy hoshiaght y theihll.

Ashlish 17:14

Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.

Ashlish 20:12

As honnick mee ny merriu, beg as mooar, nyn shassoo fenish Yee; as va ny lioaryn foshlit: as va lioar elley foshlit, ta lioar y vea: as va ny merriu er nyn mriwnys liorish ny reddyn shen va scruit ayns ny lioaryn, cordail rish nyn obbraghyn.

Ashlish 20:15

As quoi-erbee nagh row ry-gheddyn scruit ayns lioar y vea, v’ad er nyn dilgey ayns y logh dy aile.

Ashlish 3:5

Bee eshyn yiow yn varriaght, coamrit ayns garmad gial; as cha der-ym yn ennym echey ass lioar y vea, agh goym rish e ennym kiongoyrt rish my Ayr, as fenish e ainleyn.

Ashlish 7:14

As dooyrt mee rish, Ayd’s ta fys, my Hiarn. As dooyrt eh rhym, Shoh adsyn haink ass seaghyn mooar, as t’er niee nyn goamraghyn, as er ghiallaghey ad liorish fuill yn Eayn.