Daniel 11:44 - Yn Vible Casherick 1775 1819

⁴⁴ Agh bee eh seaghnit lesh naightyn veih’n niar as veih’n twoaie; shen-y-fa hed eh magh ayns ard-eulys, dy stroie, as dy bollagh dy choyrt mow ymmodee.

Daniel 11:44 ပူးပေါင်းရင်းမြစ်များ

Daniel 11:11

As bee ree yn jiass er ny vrasnaghey lesh elgys, as hig eh magh, as caggey n’oï, dy jarroo noi ree yn twoaie; as ver eh magh earroo mooar, agh bee yn earroo er ny livrey gys y laue echey.

Daniel 11:30

Son hig lhongyn Chittim n’oï: shen-y-fa, bee eh seaghnit, as chyndaa-ee eh, as bee eh jymmoosagh noi yn chonaant casherick: shoh myr nee eh jannoo, chyndaa-ee eh dy jarroo, as gowee eh coyrle follit mâroosyn ta treigeil y chonaant casherick.

Daniel 11:43

Agh bee pooar echey harrish ny tashtaghyn dy argid as airh, as harrish ooilley cooid chostal Egypt; as bee ny Lybianee as ny Ethiopianee echey fo-chosh.

Daniel 11:45

As troggee eh cabbaneyn e champ eddyr ny faarkaghyn, er y clieau gloyroil casherick; ny-yeih hig jerrey er, as cha jean fer erbee cooney lesh.

Ashlish 16:12

As gheayrt y cheyoo ainle e chappan er awin vooar Euphrates; as va e ushtey chyrmit seose, dy voddagh raad ve jeant aarloo da reeaghyn y shiar.

Ashlish 17:13

T’ad shoh jeh’n un aigney, as livreyee ad nyn booar as nyn niart da’n veisht.