Daniel 11:34 - Yn Vible Casherick 1775 1819

³⁴ Nish tra huittys ad, bee lhaggaghey oc lesh cooney giare; agh ymmodee nee lhiantyn huc lesh brynneraght.

Daniel 11:34 ပူးပေါင်းရင်းမြစ်များ

Daniel 11:21

As ny ynnyd echeysyn reesht nee girree seose moodjeen dy ghooinney, dasyn nagh der ad ooashley yn reeriaght; agh hig eh stiagh dy sheeoil, as cosnee eh yn reeriaght lesh brynneraght.

Daniel 11:32

As adsyn ta jannoo dy peccoil noi yn chonaant, nee eh y volley liorish brynneraght: agh bee yn pobble, ta toiggal oc jeh nyn Yee, niartal, as laue yn eaghtyr oc.

Noo Mian 7:15

Bee-jee er nyn dwoaie jeh phadeyryn foalsey, ta cheet hiu ayns coamrey keyrragh, agh cheu-sthie t’ad nyn moddee-oaldey jollyssagh.

Romanee 16:18

Son cha vel nyn lheid shirveish nyn Jiarn Yeesey Creest, agh nyn molg hene; as liorish goan aalin as glare vrynneragh t’ad molley creeaghyn yn vooinjer ôney.

Galatianee 2:4

As shen kyndagh rish braaraghyn foalsey v’er nyn goyrt lhieu gyn-yss ny-vud ain, haink stiagh dy croutagh dy chronnaghey yn reamys t’ain ayns Creest Yeesey, dy voddagh ad shin y choyrt lhieu fo bondiaght:

2 Timothy 4:3

Son hig y traa nagh n’uillee ad ynsagh slayntoil; agh lesh cleayshyn miandagh, lurg nyn yeearreeyn hene, tayrnee ad huc hene ymmodee fir-ynsee:

Titus 1:11

Ny beïll oc shegin y yeigh, ta cur slane lughtyn-thie fo-my-cheilley, gynsaghey reddyn nagh lhisagh ad er graih drogh chosney.

1 Ean 4:1

Chaarjyn, ny cred-jee dy chooilley spyrryd, agh prow-jee ny spyrrydyn vel ad veih Jee: er-yn-oyr dy vel ymmodee phadeyryn foalsey er n’gholl magh ’sy theihll.

1 Ean 4:5

T’adsyn jeh’n theihll: shen-y-fa t’ad loayrt jeh’n seihll, as ta’n seihll geaishtagh roo.

2 Ean 1:7

Son ta ymmodee molteyryn er n’gholl magh fud y theihll, nagh vel goaill-rish dy vel Yeesey Creest er jeet ayns yn eill. Shoh eh ta ny volteyr, as yn an-chreestee.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee-chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.

Ashlish 12:13

As tra honnick y dragon dy row eh er ny hilgey gys y thalloo, ren eh tranlaase er y ven v’er n’ymmyrkey yn lhiannoo-mac.

Ashlish 2:20

Ny-yeih, ta reddyn ennagh aym dy choyrt dty lieh, er-y-fa dy vel uss lhiggey da’n ven shen Jezebel, ta goaill urree dy ve ny adeyr, dy ynsaghey as dy chleayney my harvaantyn dy chur rish maarderys, as dy ghoaill commee ayns ny reddyn t’er ny ouralley gys jallooyn.