Daniel 11:30 - Yn Vible Casherick 1775 1819

³⁰ Son hig lhongyn Chittim n’oï: shen-y-fa, bee eh seaghnit, as chyndaa-ee eh, as bee eh jymmoosagh noi yn chonaant casherick: shoh myr nee eh jannoo, chyndaa-ee eh dy jarroo, as gowee eh coyrle follit mâroosyn ta treigeil y chonaant casherick.

Daniel 11:30 ပူးပေါင်းရင်းမြစ်များ

Genesis 10:4

As mec Javan; Elisha, as Tarshish, Kittim, as Dodanim.

1 Recortyssyn 1:7

As mec Javan; Elisha, as Tarshish, Kittim, as Dodanim.

Nehemiah 6:12

As hug mee my-ner, nagh nee Jee ren y choyrt eh, agh dy row eh jeh hene er hroggal yn phadeyrys shoh m’oï: son va Tobiah as Sanballat er vailley eh.

Isaiah 23:1

Errey Tyre. Gull-jee, shiuish lhongyn Tarshish; son te ny hraartys, myr shen nagh vel thie faagit, ny boayl erbee dy gholl stiagh ayn: veih cheer Chittim te er ny ockley magh orroo.

Isaiah 23:12

As dooyrt eh, Cha jean oo arragh boggey y ghoaill, O voidyn tranlaasit, inneen Zidon: trog ort, gow harrish gys Chittim; ayns shen neesht cha vow veg y fea.

Jeremiah 2:10

Son gow-jee trooid ellanyn Chittim, as jeeagh-jee; cur-jee chaghteryn gys Kedar, as gow-jee tastey vie, as jeeagh-jee my ta lheid y red:

Ezekiel 27:6

Jeh biljyn-darragh Vashan t’ad er n’yannoo dty vaidjyn-raue: ta sheshaght ny Ashuriteyn er n’yannoo ny beckyn ayd jeh ivory, veih ellanyn Chittim.

Daniel 11:28

Eisht nee eh chyndaa gys e heer hene, lesh berchys vooar, as bee e chree noi yn chonaant casherick: as hig eh jeh lesh y varriaght, as chyndaa gys e heer hene.

Daniel 11:29

Ec y traa pointit, nee eh chyndaa, as hig eh gys y jiass, agh cha bee eh myr yn chied cheayrt, ny’n nah cheayrt.

Daniel 7:25

As nee eh loayrt goan mollaghtagh noi yn er smoo syrjey, as ver eh mow nooghyn yn er smoo syrjey, as gowee eh er dy chaghlaa traaghyn, as leighyn; as bee ad er ny choyrt ayns y laue echey, derrey traa as traaghyn, as leih traa.

Earrooyn 24:24

As nee lhongyn cheet veih ardjyn Chittim, as seaghney Ashur, as seaghney Eber, as nee eshyn myrgeddin cherraghtyn son dy bragh.

Noo Mian 24:10

As eisht nee ymmodee scarrey rish nyn gredjue, as brahee ad, as ver ad feoh yn derrey yeh da’n jeh elley.

Ashlish 12:12

Gow-jee boggey er-y-fa shen, shiuish niaughyn, as shiuish ta cummal ayndoo, Smerg da cummaltee yn thalloo as yn aarkey; son ta’n drogh-spyrryd er jeet neose hiuish ayns farg eulyssagh, er-yn-oyr dy vel fys echeysyn nagh vel e hraa agh giare.