Daniel 11:24 - Yn Vible Casherick 1775 1819

²⁴ Hed eh stiagh dy sheeoil, eer er y thalloo share ’sy cheer, as nee eh shen, nagh vel e ayraghyn er n’yannoo, chamoo shenn-ayryn e ayraghyn, nee eh skeayley ny mast’ oc yn chragh as y spooilley, as berchys: as nee eh smooinaghtyn ro-laue er e haaseyn, noi ny cashtallyn lajer, eer son traa.

Daniel 11:24 ပူးပေါင်းရင်းမြစ်များ

Nehemiah 9:25

As ghow ad ard-valjyn lajer, as cheer messoil, as hooar ad ayns nyn gummal thieyn lane jeh dy chooilley nhee mie, chibbraghyn cleiyt, garaghyn-feeyney as olive, as biljyn messoil ayns palchey: myr shen d’ee ad, as v’ad jeant magh, as ghow ad riurid, as hooar ad slane soylley jeh dty vieys vooar.

Raaghyn Creeney 17:8

Ta gioot myr jewel costal ayns ny sooillyn echeysyn ta goaill eh: te goaill raad ayns dy chooilley chooish.

Raaghyn Creeney 19:6

Nee ymmodee shirrey foayr y ree, as ta dy chooilley ghooinney ny charrey dasyn chebbys giootyn.

Raaghyn Creeney 23:7

Son myr t’eh smooinaghtyn ayns e chree, shen myr t’eh: Ee as iu, jir eh rhyt, agh cha vel e chree lhiat.

Ezekiel 34:14

As fassee-ym ad ayns aber vie, as er sleityn ard Israel vees ny bochillyn oc: shen y raad nee ad lhie ayns bwoaillee vie, as ayns aber venoyr nee ad gyndyr er sleityn Israel.

Ezekiel 38:10

Myr shoh ta’n Chiarn Jee dy ghra, Hig eh gy-kione myrgeddin ec y traa shen hene, dy jig smooinaghtyn ayns dty aigney, as gowee oo drogh-ourys.

Daniel 11:23

As lurg da’n coardail va jeant rish, nee eh dellal dy molteyragh: son hig eh seose, as aasee eh lajer lesh sheshaght fardalagh.

Daniel 7:25

As nee eh loayrt goan mollaghtagh noi yn er smoo syrjey, as ver eh mow nooghyn yn er smoo syrjey, as gowee eh er dy chaghlaa traaghyn, as leighyn; as bee ad er ny choyrt ayns y laue echey, derrey traa as traaghyn, as leih traa.

Earrooyn 13:20

As cre ta’n thalloo, vel eh messoil ny gennish, vel biljyn ayn mannagh vel; as bee-jee dunnal, as cur-jee lhieu jeh mess ny cheerey (nish va’n imbagh, va messyn ny biljyn-feeyney hoshiaght appee.)

Noo Mian 9:4

As Yeesey toiggal ny smooinaghtyn oc, dooyrt, Cre’n-fa ta drogh smooinaghtyn troggal ayns ny creeaghyn eu?

Briwnyn 9:4

As hug ad da three-feed as jeih peeshyn argid ass tashtaghyn thie Baal-berith; lhieu shoh ren Abimelech failley sheshaght dy gheiney awane as eddrym, ren geiyrt er.