Daniel 11:22 - Yn Vible Casherick 1775 1819

²² As lesh thooilley e roihaghyn nee eh lhieeney harrystoo, as bee ad brisht kiongoyrt rish, eer prince y chonaant.

Daniel 11:22 ပူးပေါင်းရင်းမြစ်များ

Isaiah 28:15

Er-yn-oyr dy vel shiu er ghra, Ta shin ayns conaant rish y vaase, as rish niurin ta shin er n’yannoo coardail; tra ta’n slatt goll trooid y cheer myr thooilley, cha jig eh orrin; son ta shin er n’yannoo breagyn nyn gemmyrk, as fo molteyrys ta shin er ollaghey shin hene.

Daniel 11:10

Agh bee ny mec echey er ny ghreinnaghey gys caggey, as chaglee ad earroo dy heshaghtyn mooarey caggee, as hig fer son shickyrys, as lhieenee eh harrish, as hed eh trooid: eisht bee eh er ny vrasnaghey, as chyndaa eer gys e chashtal hene.

Daniel 11:23

As lurg da’n coardail va jeant rish, nee eh dellal dy molteyragh: son hig eh seose, as aasee eh lajer lesh sheshaght fardalagh.

Daniel 8:25

As trooid e chialgeyrys, ver eh er croutyn bishaghey ny laue: as nee eh lane y hoiaghey jeh hene ayns [mooaralys] e chree, as ec e chah nee eh ymmodee y stroie: nee eh shassoo seose myrgeddin noi yn prince dy phrinceyn, agh bee eh er ny vrishey fegooish laue.

Daniel 9:26

As lurg three-feed shiaghtinyn as jees, bee Messiah er ny yiarey jeh, agh cha nee er y choontey echey hene: as nee pobble y phrince shen ta ry-heet stroie yn ard-valley, as y chiamble casherick, as bee yn jerrey echey lesh thooilley, as gys jerrey yn chaggey ta traartyssyn kiarit.

Amos 8:8

Nagh bee yn thalloo er-creau son shoh? as dy chooilley unnane dobberan ta cummal ayn? as nee eh gatt seose dy slane myr thooilley; as bee eh lhieent harrish, as er ny vaih myr liorish awin Egypt.

Amos 9:5

As she yn Chiarn, Jee ny flaunyssee, ta bentyn rish y thalloo, as nee eh lheïe ersooyl, as nee ooilley ny ta baghey ayn dobberan, as nee eh gatt seose dy slane myr thooilley, as bee eh er ny vaih myr liorish awin Egypt.

Nahum 1:8

Agh lesh thooilley niartal ver eh jerrey bollagh er yn ynnyd echey, as nee dorraghys geiyrt da e noidyn.