Daniel 11:19 - Yn Vible Casherick 1775 1819

¹⁹ Eisht nee eh e eddin y hyndaa gys carrick e heer hene: agh nee eh snapperal as tuittym, as cha bee arragh jeh.

Daniel 11:19 ပူးပေါင်းရင်းမြစ်များ

Lioar Yob 20:8

Nee eh lheïe ersooyl myr dreamal, as cha bee eh er ny gheddyn; dy jarroo hed eh shaghey myr ashlish ’syn oie.

Lioar Yob 34:24

Nee eh deiney niartal gyn earroo y vrishey ayns peeshyn, as feallagh elley y hoiaghey ayns nyn ynnyd.

Psalmyn 27:2

Tra haink ny olkyssee, dy jarroo my noidyn as my hranlaasee orrym dy my stroie: ren ad snapperal as tuittym.

Psalmyn 37:35

Treisht uss ayns y Chiarn, as freill yn raad echey, as nee eh uss y vishaghey dy bee eiraght ayd ’sy cheer: tra ta ny mee-chrauee cherraghtyn, nee oo shen y akin.

Psalmyn 37:36

Ta mish mee hene er vakin ny mee-chrauee ayns ard phooar: as blaaghey myr billey glass bay.

Isaiah 24:20

Nee’n thalloo leaystey noon as noal myr dooinney meshtal, as bee eh er ny astyrt myr bwaag; as bee e loght errey hrome er; as nee eh tuittym, as cha n’irree eh arragh.

Jeremiah 46:6

Ny lhig da ny coshee bieau cosney roue, ny yn dooinney niartal scapail: nee ad snapperal, as tuittym lesh y twoaie, liorish yn awin Euphrates.

Ezekiel 26:21

Nee’m uss y yannoo dty atchim, as cha bee arragh jeed, ga dy shirree ad er dty hon, foast cha bee oo dy bragh er dty gheddyn reesht, ta’n Chiarn Jee dy ghra.

Daniel 11:7

Agh magh veih banglane y fraue eck, nee fer shassoo seose ’syn ynnyd echeysyn, hig lesh sheshaght-caggee, as hed eh stiagh ayns cashtal ree yn twoaie, as nee eh caggey n’oï, as cosney;