Daniel 11:18 - Yn Vible Casherick 1775 1819

¹⁸ Lurg shoh, nee eh e eddin y hyndaa gys ny ellanyn, as ymmodee jeu y ghoaill: agh nee prince elley ass e lieh hene goaill ersooyl yn oltooan haink voishyn; fegooish oltooan da hene, ver eh er dy hyndaa ersyn.

Daniel 11:18 ပူးပေါင်းရင်းမြစ်များ

Esther 10:1

As hug ree Ahasuerus y cheer, as ellanyn ny marrey fo keesh.

Isaiah 66:19

As soie-yms cowrey orroo, as ver-ym ny scapailtee jeu gys ny ashoonyn, gys Tarshish, Pul, as Lud, ta tayrn y vhow, gys Tubal as Javan, gys ny ellanyn foddey jeh, nagh vel er chlashtyn my ghoo, chamoo er vakin my ghloyr; as nee ad soilshaghey my ghloyr mastey ny ashoonee.

Jeremiah 2:10

Son gow-jee trooid ellanyn Chittim, as jeeagh-jee; cur-jee chaghteryn gys Kedar, as gow-jee tastey vie, as jeeagh-jee my ta lheid y red:

Jeremiah 31:10

Clasht-jee goo yn Chiarn, O shiuish ashoonyn, as jean-jee shoh y hoilshaghey ayns ny hellanyn foddey jeh, as abbyr-jee, Nee eh ren skeayley Israel eshyn y haglym, as nee eh fassaghey eh, myr ta bochilley e hioltane.

Ezekiel 27:6

Jeh biljyn-darragh Vashan t’ad er n’yannoo dty vaidjyn-raue: ta sheshaght ny Ashuriteyn er n’yannoo ny beckyn ayd jeh ivory, veih ellanyn Chittim.

Hosea 12:14

Ren Ephraim eh y vrasnaghey gys jymmoose dewil, shen-y-fa faagee eh yn uill echey ersyn; as e nearey nee e Hiarn y chooilleeney er.

Zephaniah 2:11

Bee yn Chiarn atchimagh daue: son ver eh naardey ooilley jeeghyn y thallooin; as nee deiney eshyn y ooashlaghey, dy chooilley unnane ’syn ynnyd hene, dy jarroo ooilley ellanyn ny ashoonee.

Noo Mian 7:2

Son lesh y vriwnys cheddin ta shiuish briwnys, bee shiu hene er nyn mriwnys: as lesh y towse ta shiuish towse, bee eh er ny howse diu reesht.

Briwnyn 1:7

As dooyrt Adoni-bezek, Three-feed as jeih reeaghyn, va nyn ordaagyn laue as coshey giarit jeu, ren teiy nyn mee fo my voayrd’s: myr ta mish er n’yannoo, myr shen ta Jee er my chooilleeney. As hug ad lhieu eh gys Jerusalem, as hooar eh baase ayns shen.