Daniel 11:17 - Yn Vible Casherick 1775 1819

¹⁷ Nee eh myrgeddin soiaghey e eddin dy gholl stiagh, lesh niart e slane reeriaght, as mooarane ynrickys mârish; myr shoh nee eh jannoo: as ver eh da yn inneen [s’aalin] dy vraane, as drogh-choyrle lh’ee; agh cha jean ish shassoo ass y lieh echeysyn, chamoo jannoo er e hon.

Daniel 11:17 ပူးပေါင်းရင်းမြစ်များ

2 Reeaghyn 12:17

Eisht hie Hazael ree Syria seose, as ren eh caggey noi Gath, as ghow eh eh: as hyndaa Hazael e eddin dy gholl noi Jerusalem.

2 Recortyssyn 20:3

As va aggle er Jehoshaphat, as chiare eh dy hirrey yn Chiarn, as doardee eh trostey dy ve er ny reayll trooid ooilley Judah.

Psalmyn 56:9

Cre-erbee yn traa ta mee geamagh ort, eisht bee my noidyn eebrit ersooyl: shoh ta fys aym er; son ta Jee er my heu.

Raaghyn Creeney 19:21

Ta ymmodee smooinaghtyn dowin ayns cree dooinney: ny-yeih she coyrle y Chiarn, shen nee shassoo.

Ezekiel 17:17

Chamoo nee Pharaoh, lesh ny sheshaghtyn-caggee niartal, as ny earrooyn mooarey echey jannoo er e hon ayns y chaggey, liorish ceau seose carnaneyn, as troggal tooryn-caggee, dy yiarey jeh ymmodee sleih:

Ezekiel 25:2

Soie uss dty eddin noi ny Ammoniteyn, as jean phadeyrys noi ocsyn;

Ezekiel 4:3

Ny-sodjey gow hood pot yiarn, as soie eh son voalley yiarn, eddyr uss as yn ard-valley, as soie dty eddin n’oï, as bee eh cruinnit mygeayrt, as nee oo chionney stiagh eh: shoh vees cowrey da thie Israel.

Ezekiel 4:7

As nee oo dty eddin y hoiaghey noi Jerusalem, t’er ny hionney stiagh, as bee dty roih rooisht, as nee oo phadeyrys noi eck.

Daniel 11:19

Eisht nee eh e eddin y hyndaa gys carrick e heer hene: agh nee eh snapperal as tuittym, as cha bee arragh jeh.

Daniel 9:26

As lurg three-feed shiaghtinyn as jees, bee Messiah er ny yiarey jeh, agh cha nee er y choontey echey hene: as nee pobble y phrince shen ta ry-heet stroie yn ard-valley, as y chiamble casherick, as bee yn jerrey echey lesh thooilley, as gys jerrey yn chaggey ta traartyssyn kiarit.

Habakkuk 1:9

Hig ad ooilley son tranlaase: nee nyn eddinyn spongey myr y gheay-niar, as nee ad chaglym cappeeys myr y gheinnagh.

Noo Mian 12:30

Eshyn nagh vel lhiam, t’eh m’oï: as eshyn nagh vel chymsaghey mârym, t’eh skeayley.

Noo Luke 11:23

Eshyn nagh vel lhiam, t’eh m’oï; as eshyn nagh vel chymsaghey mârym, t’eh skeayley.

Noo Luke 9:51

As haink eh gy-kione, myr va’n traa tayrn er-gerrey dasyn dy ve goit seose, dy row eh dy shickyr kiarit er soiaghey e eddin dy gholl gys Jerusalem.

Romanee 8:31

Cre jir mayd eisht rish ny reddyn shoh? my ta Jee lhien, quoi oddys ve nyn ’oï?