Daniel 11:16 - Yn Vible Casherick 1775 1819

¹⁶ Agh nee eshyn hig n’oï jannoo lurg e aigney hene, as cha shassee fer kiongoyrt rish; as nee eh shassoo ayns y cheer aalin, vees er ny stroie liorish y laue echeysyn.

Daniel 11:16 ပူးပေါင်းရင်းမြစ်များ

Isaiah 8:8

As nee eh gimmeeaght trooid Judah; nee eh gatt as roie harrish nee eh roshtyn eer gys y wannal; as lesh sheeyney magh e skianyn nee eh lhieeney lheead yn cheer ayd’s, O Immanuel.

Jeremiah 3:19

Agh dooyrt mee, Kys nee’m uss y ghoaill mastey’n chloan, as cheer aalin y choyrt dhyt, eiraght ooasle ayns ymmodee ashoonyn? As dooyrt mee, Nee oo mish y enmys, My ayr! as cha jean oo chyndaa ersooyl voym.

Daniel 11:3

As shassee ree niartal seose, nee reill lesh ard-reiltys, as jannoo cordail rish e aigney hene.

Daniel 11:36

As nee yn ree lurg e aigney hene, as eh-hene y hroggal dy ard, as soiaghey seose eh-hene erskyn dy chooilley Yee, as loayree eh reddyn yindyssagh noi yn Jee dy yeeghyn, as hed eh er e hoshiaght, derrey vees y jymmoose er ny chooilleeney: son bee shen ta kiarit er ny yannoo mie.

Daniel 11:41

Hed eh stiagh myrgeddin gys y cheer aalin, as bee ymmodee cheeraghyn tilgit bun-ry-skyn, agh scaapee ad shoh ass e laue, eer Edom, as Moab, as yn ayrn smoo jeh cloan Ammon.

Daniel 11:45

As troggee eh cabbaneyn e champ eddyr ny faarkaghyn, er y clieau gloyroil casherick; ny-yeih hig jerrey er, as cha jean fer erbee cooney lesh.

Daniel 5:19

As er coontey yn ard-ooashley hug eh da, va dy chooilley phobble, ashoonyn as glaraghyn er-creau, as ayns aggle kiongoyrt rish: adsyn baillish, varr eh, as adsyn baillish, dreill eh bio, as adsyn baillish, hoie eh seose, as adsyn baillish, hug eh sheese.

Daniel 8:4

Honnick mee yn rea puttey lesh y sheear, as lesh y twoaie, as lesh y jiass; myr shen nagh by-loys da beisht erbee shassoo roish; chamoo va fer ayn oddagh livrey veih e laue, agh ren eh lurg e aigney hene, as daase eh pooaral.

Daniel 8:7

As honnick mee eh tayrn chion er y rea, as v’eh er ny vrasnaghey lesh sproght n’oï, as woaill eh yn rea, as vrish eh e ghaa eairk, as cha row fort ayns y rea dy hassoo roish, agh lhieg eh er y thalloo eh, as stamp eh er, as cha row fer oddagh yn rea y livrey ass e laue.

Daniel 8:9

As magh ass unnane jeu, haink eairk veg, daase feer vooar, lesh y jiass, as lesh y shiar, as lesh y cheer eunyssagh.

Joshua 1:5

Cha bee dooinney erbee abyl dy hassoo royd ooilley laghyn dty vea: myr va mee marish Moses, shen myr bee’m mayrt’s: cha jean-ym failleil, ny treigeil oo.