Daniel 11:15 - Yn Vible Casherick 1775 1819

¹⁵ Eisht hig ree yn twoaie, as troggee eh carnane-caggee, as gowee eh ny baljyn s’troshey voallit, as cha jean roihaghyn y jiass shassoo n’oï, chamoo e reih deiney, ny foast vees veg y niart dy chur eddin da.

Daniel 11:15 ပူးပေါင်းရင်းမြစ်များ

Jeremiah 33:4

Son shoh myr ta’n Chiarn, Jee Israel, gra, mychione thieyn yn ard-valley shoh, as mychione thieyn reeaghyn Yudah, ta lhieggit liorish ny tooryn-caggee, as lesh y chliwe;

Jeremiah 5:10

Seose-jee er ny voallaghyn eck, as stroie-jee ad; agh ny jean-jee slane jerrey orroo: gow-jee ersooyl ny tooryn eck; son cha nee lesh y Chiarn ad.

Jeremiah 52:4

As haink eh gy-kione, ’sy nuyoo vleïn jeh’n reill echey, ayns y jeihoo vee, er y jeihoo laa jeh’n vee, dy daink Nebuchadrezzar ree Vabylon, eh-hene as ooilley e heshaght-chaggee, noi Jerusalem, as ren ad campal roish, as hrog ad tooryn n’oï ooilley mygeayrt.

Jeremiah 6:6

Son shoh myr ta Chiarn ny sheshaghtyn flaunyssagh er ghra, Giare-jee sheese biljyn, as trog-jee cronk-caggee noi Jerusalem: shoh’n ard-valley ta ry-hoi kerraghey; cha vel monney agh tranlaase cheu-sthie j’ee.

Ezekiel 17:17

Chamoo nee Pharaoh, lesh ny sheshaghtyn-caggee niartal, as ny earrooyn mooarey echey jannoo er e hon ayns y chaggey, liorish ceau seose carnaneyn, as troggal tooryn-caggee, dy yiarey jeh ymmodee sleih:

Ezekiel 4:2

As cruinnee stiagh ee, as trog toor noi eck, as ceau seose carnane noi eck: jean campal myrgeddin noi eck, as soie greïnyn-bwoailtagh dy lhieggal ny voallaghyn eck ooilley mygeayrt.

Daniel 11:14

As ayns ny traaghyn shen, nee ymmodee shassoo seose noi ree yn jiass: nee roosteyryn dty phobble myrgeddin girree-magh dy niartaghey yn ashlish, agh nee ad tuittym.

Daniel 11:6

As kione bleeantyn liauyrey nee ad taaghey dy cheilley; son hig inneen ree yn jiass, gys ree yn twoaie, dy yannoo coardail: agh cha bee niart y roih mâree, chamoo nee eshyn shassoo, ny’n roih echeysyn; agh bee ish er ny livrey seose, as adsyn hug lhieu ee, as eshyn ruggyr jee, as eshyn va niartaghey ee ayns ny traaghyn shen.

Daniel 8:7

As honnick mee eh tayrn chion er y rea, as v’eh er ny vrasnaghey lesh sproght n’oï, as woaill eh yn rea, as vrish eh e ghaa eairk, as cha row fort ayns y rea dy hassoo roish, agh lhieg eh er y thalloo eh, as stamp eh er, as cha row fer oddagh yn rea y livrey ass e laue.

Joshua 1:5

Cha bee dooinney erbee abyl dy hassoo royd ooilley laghyn dty vea: myr va mee marish Moses, shen myr bee’m mayrt’s: cha jean-ym failleil, ny treigeil oo.