Daniel 11:12 - Yn Vible Casherick 1775 1819

¹² As erreish da v’er skeayley yn earroo mooar, bee yn cree echey er ny hroggal seose, as lhieggee eh sheese ymmodee jeih thousaneyn; agh cha bee eh er ny niartaghey liorish.

Daniel 11:12 ပူးပေါင်းရင်းမြစ်များ

2 Reeaghyn 14:10

T’ou uss dy jarroo er woalley Edom, as ta dty chree er dty hroggal seose; jean boggyssagh son shoh, as fuirree ec y thie; son cre’n-fa yinnagh oo roie ayns dangere, oo-hene dy huittym ayns caggey, as Judah mayrt?

2 Recortyssyn 25:19

T’ou gra, Cur-my-ner, t’ou er woalley ny Edomiteyn, as ta dty chree dy dty hroggal seose lesh moyrn: fuirree nish ec y thie, cre’n-fa t’ou doostey olk gys dty assee, oo hene dy huittym, as Judah mayrt.

2 Recortyssyn 26:16

Agh ayns mooads e niart, va e chree troggit seose gys e hoyrt-mow: son ren eh peccah noi’n Chiarn e Yee, liorish goll stiagh ayns chiamble y Chiarn, dy hebbal incense er altar yn oural-millish.

2 Recortyssyn 32:25

Agh cha row Hezekiah booisal corrym rish y bannaght v’er ny hoilshaghey: son va e chree troggit seose; shen-y-fa haink magh jymmoose n’oï hene as noi Judah as Jerusalem.

Raaghyn Creeney 16:18

Ta moyrn goll roish toyrt-mow; as cree mooaralagh roish lhieggey.

Ezekiel 28:17

Va dty chree troggit seose kyndagh rish dty aalid, t’ou er chaghlaa dty chreenaght ayns moyrn dty hollyssid: lhieg-yms oo gys y thalloo, ver-yms ort, dy lhie oo kiongoyrt rish reeaghyn, as oo dy ve son shilley daue.

Ezekiel 28:2

Vac y dooinney, abbyr rish prince Tyrus, Myr shoh ta’n Chiarn Jee dy ghra, Er-yn-oyr dy vel dty chree troggit seose, as dy vel oo er ghra, Ta mish my Yee, ta mee soie er stoyl Yee, ayns mean ny faarkaghyn; foast cha vel oo agh dooinney, as cha nee Jee, ga dy vel oo smooinaghtyn ayns dty chree dy ve myr Jee:

Ezekiel 28:5

Lesh dty chreenaght vooar, as liorish dty ghellal t’ou er vishaghey dty verchys, as ta dty chree troggit seose er coontey dty verchys:

Daniel 11:11

As bee ree yn jiass er ny vrasnaghey lesh elgys, as hig eh magh, as caggey n’oï, dy jarroo noi ree yn twoaie; as ver eh magh earroo mooar, agh bee yn earroo er ny livrey gys y laue echey.

Daniel 11:13

Son nee ree yn twoaie chyndaa reesht n’oï, as ver eh magh earroo ny smoo na’n chied earroo, as hig eh son shickyrys (lurg shiartanse dy vleeantyn) lesh sheshaght-caggee vooar, as mooarane berchys.

Daniel 5:23

Agh t’ou er n’irree-magh noi Chiarn ny flaunyssee, as t’ad er choyrt lhieu siyn [casherick] e hiamble kiongoyrt rhyt, as t’ou uss, as dty hiarnyn, as dty vraane, as dty cho-lhiabbee er n’iu feeyn assdoo: as t’ou er choyrt moylley da ny jeeghyn-jalloo dy argid, as airh, dy phrash, yiarn, fuygh as clagh, nagh vel fakin, ny clashtyn, ny toiggal: as y Jee shen, ayns y laue echey ta dty ennal, as ’syn enish echeysyn ta ooilley dty raaidyn, cha vel oo er ghloyraghey.

Daniel 8:25

As trooid e chialgeyrys, ver eh er croutyn bishaghey ny laue: as nee eh lane y hoiaghey jeh hene ayns [mooaralys] e chree, as ec e chah nee eh ymmodee y stroie: nee eh shassoo seose myrgeddin noi yn prince dy phrinceyn, agh bee eh er ny vrishey fegooish laue.

Deuteronomy 8:14

Nagh bee dty chree eisht mooaralagh, as dy jarrood oo yn Chiarn dty Yee (hug lesh uss magh ass cheer Egypt, veih thie ny bondiaght;

1 Timothy 3:6

Cha nee fer gerrit ’sy chredjue, er-aggle dy bee eh troggit seose lesh moyrn, as dy duitt eh fo briwnys y drogh-spyrryd.

1 Peddyr 5:5

Myrgeddin shiuish sleih aegey, bee-jee arrymagh da’n chenndeeaght: dy jarroo bee-jee ooilley ayns biallys yn derrey yeh gys y jeh elley, as bee-jee coamrit lesh injillid aigney: son ta Jee soiaghey eh-hene noi’n vooinjer voyrnagh, as t’eh coyrt grayse dauesyn ta imlee.