Daniel 11:11 - Yn Vible Casherick 1775 1819

¹¹ As bee ree yn jiass er ny vrasnaghey lesh elgys, as hig eh magh, as caggey n’oï, dy jarroo noi ree yn twoaie; as ver eh magh earroo mooar, agh bee yn earroo er ny livrey gys y laue echey.

Daniel 11:11 ပူးပေါင်းရင်းမြစ်များ

1 Reeaghyn 20:13

As cur-my-ner, haink phadeyr gys Ahab ree Israel, gra, Shoh myr ta’n Chiarn dy ghra, Vel uss er vakin ooilley’n earroo mooar shoh dy leih? cur-my-ner, livrey-ym ad jiu ayns dty laue; as bee fys ayd dy nee mish y Chiarn.

1 Reeaghyn 20:28

As haink dooinney dy Yee, as loayr eh rish ree Israel, as dooyrt eh, Shoh myr ta’n Chiarn dy ghra, Er-yn-oyr dy vel ny Syrianee er ghra, Dy vel y Chiarn Jee ny sleityn, agh cha vel eh Jee ny coanyn; shen-y-fa neem’s livrey ooilley yn earroo mooar shoh dy leih ayns dty laue, as bee fys eu dy nee mish y Chiarn.

Psalmyn 76:10

Nee elgys dooinney chyndaa gys dty voylley: as yn elgys ocsyn nee uss eh y smaghtaghey.

Jeremiah 27:6

As nish ta mee er choyrt ooilley ny cheeraghyn shoh gys laue Nebuchadnezzar ree Vabylon, my harvaant; as beïyn y vagher ta mee er choyrt da myrgeddin dy hirveish eh.

Daniel 11:12

As erreish da v’er skeayley yn earroo mooar, bee yn cree echey er ny hroggal seose, as lhieggee eh sheese ymmodee jeih thousaneyn; agh cha bee eh er ny niartaghey liorish.

Daniel 11:40

As ec traa yn jerrey, nee ree yn jiass puttey n’oï, as hig ree yn twoaie n’oï myr geay-chassee, lesh fainee, as lesh markee, as lesh niart lhuingys, as hed eh stiagh ayns ny cheeraghyn, as nee eh lhieeney harrish, as goll ny hrooid.

Daniel 11:44

Agh bee eh seaghnit lesh naightyn veih’n niar as veih’n twoaie; shen-y-fa hed eh magh ayns ard-eulys, dy stroie, as dy bollagh dy choyrt mow ymmodee.

Daniel 11:5

As bee ree yn jiass niartal, as fer jeh ny princeyn echey; as bee fer ny s’troshey na eh, as reiltys echey; bee yn reeriaght echey reeriaght vooar.

Daniel 2:38

As raad erbee dy vel cloan gheiney cummal, t’eh er choyrt fo dty laue, maase y vagheragh, as eeanlee yn aer, as er chur dhyt’s yn reill harrystoo ooilley: uss yn kione airhey shoh.

Daniel 8:7

As honnick mee eh tayrn chion er y rea, as v’eh er ny vrasnaghey lesh sproght n’oï, as woaill eh yn rea, as vrish eh e ghaa eairk, as cha row fort ayns y rea dy hassoo roish, agh lhieg eh er y thalloo eh, as stamp eh er, as cha row fer oddagh yn rea y livrey ass e laue.