Daniel 11:10 - Yn Vible Casherick 1775 1819

¹⁰ Agh bee ny mec echey er ny ghreinnaghey gys caggey, as chaglee ad earroo dy heshaghtyn mooarey caggee, as hig fer son shickyrys, as lhieenee eh harrish, as hed eh trooid: eisht bee eh er ny vrasnaghey, as chyndaa eer gys e chashtal hene.

Daniel 11:10 ပူးပေါင်းရင်းမြစ်များ

Isaiah 25:12

As troshid toor ard dty voallaghyn ver eh lesh sheese, lhieggee eh dy injil, as ver eh lesh eh kiart rish y thalloo, eer gys y joan.

Jeremiah 51:42

Ta’n keayn er jeet seose er Babylon; t’ee baiht fo earroo ny tonnyn.

Daniel 11:22

As lesh thooilley e roihaghyn nee eh lhieeney harrystoo, as bee ad brisht kiongoyrt rish, eer prince y chonaant.

Daniel 11:26

Dy jarroo bee eh er ny stroie, eer lioroosyn t’eh hene er veaghey, as bee yn cheshaght-chaggee echey ny haart; as nee ymmodee tuittym sheese marroo.

Daniel 11:7

Agh magh veih banglane y fraue eck, nee fer shassoo seose ’syn ynnyd echeysyn, hig lesh sheshaght-caggee, as hed eh stiagh ayns cashtal ree yn twoaie, as nee eh caggey n’oï, as cosney;

Daniel 11:9

Eisht hig ree yn jiass gys y reeriaght echeysyn, as nee eh chyndaa gys e heer hene.

Daniel 9:26

As lurg three-feed shiaghtinyn as jees, bee Messiah er ny yiarey jeh, agh cha nee er y choontey echey hene: as nee pobble y phrince shen ta ry-heet stroie yn ard-valley, as y chiamble casherick, as bee yn jerrey echey lesh thooilley, as gys jerrey yn chaggey ta traartyssyn kiarit.