Daniel 10:9 - Yn Vible Casherick 1775 1819

⁹ Ny-yeih cheayll mee coraa e ghoan, as tra cheayll mee coraa e ghoan, eisht va mee ayns cadley trome er my eddin, as va my eddin gys y thalloo.

Daniel 10:9 ပူးပေါင်းရင်းမြစ်များ

Genesis 15:12

As mysh lhie ny greïney huitt cadley trome er Abram, as cur-my-ner, v’eh fo ashlish atchimagh dy ghorraghys mooar.

Genesis 2:21

As hug y Chiarn Jee cadley trome dy huittym er Adam, as ren eh cadley: as ghow eh unnane jeh ny asnaghyn echey, as laanee eh seose yn eill ’syn ynnyd echey.

Lioar Yob 33:15

Ayns dreamal, ayns ashlish ny hoie, tra ta cadley trome tuittym er deiney, ayns saveenagh er y lhiabbee,

Lioar Yob 4:13

Myr ayns smooinaghtyn veih ashlishyn yn oie, tra ta cadley trome tuittym er deiney,

Arrane Solomon 5:2

Ta mee saveenagh, agh ta my chree dooisht: she coraa my ghraih t’ayn ta cronkal, gra, Foshil dooys, my chree, my ghraih, my chalmane, my red ôney: son ta my chione fluigh lesh y druight, as folt my ching lesh bineyn ny hoie.

Daniel 10:16

As cur-my-ner, venn fer goll-rish cloan gheiney rish my veillyn: eisht doshil mee my veeal, as loayr mee, as dooyrt mee rishyn va ny hassoo kiongoyrt rhym, O my hiarn, liorish yn ashlish ta my hrimshey er jyndaa orrym, as cha vel veg y niart faagit aynym.

Daniel 8:18

Nish myr v’eh loayrt rhym, va mee ayns cadley trome, lesh my eddin gys y thalloo: agh venn eh rhym, as hrog eh mee er my chassyn.

Habakkuk 3:16

Tra cheayll mee, va my chree traishtit: va my veillyn er-creau ec yn choraa: ren loauid greimmey my chraueyn, as va mee ooilley er-creau: O dy beign ec fea veih’n laa seaghnagh! tra hig eh seose noi yn pobble, hig eh stiagh orroo lesh e heshaghtyn-caggee.

Noo Luke 22:45

As tra v’eh er n’irree veih padjer, as er jeet gys e ostyllyn, hooar eh ad nyn gadley lesh trimshey,

Noo Luke 9:32

Agh haink cadley trome er Peddyr as orroosyn va mârish: as tra v’ad er ghoostey, honnick ad yn ghloyr echey, as y daa ghooinney va nyn shassoo mârish.

Ashlish 1:17

As tra honnick mee eh, huitt mee sheese ec e chassyn myr marroo: as hug eh e laue yesh orrym, gra rhym, Ny bee aggle ort; Mish y chied er as y fer s’jerree: