Daniel 10:6 - Yn Vible Casherick 1775 1819

⁶ Va e chorp myrgeddin goll-rish y veryl, as e eddin myr sollyssid y tendreil, as e hooillyn myr lampyn dy aile, as e roihaghyn, as e chassyn, myr y cullyr t’er prash polishit, as coraa e ghoan myr coraa ymmodee.

Daniel 10:6 ပူးပေါင်းရင်းမြစ်များ

Exodus 28:20

As bee’n chiarroo choorse, beryl as onyx, as jasper; bee ad soit ayns socketyn dy airh.

Arrane Solomon 5:14

Ta ny laueyn echey myr fainaghyn airh soit lesh beryl: ta e challin myr ivory sollys soit lesh sapphireyn.

Ezekiel 1:14

As roie ny cretooryn bio, as hyndaa ad goll-rish chentyn-taarnee.

Ezekiel 1:16

Va cummey ny queeylyn, as yn obbyr v’orroo, myr cullyr y veryl: as va’n un chummey orroo ny kiare: as va’n co-chaslys oc, as yn obbyr v’orroo myr dy beagh eh queeyl ayns mean queeyl.

Ezekiel 1:24

As myr v’ad goll, cheayll mee sheean ny skianyn oc, myr sheean thooillaghyn mooarey, myr coraa yn ooilley-niartal, coraa dy ghlare myr tharmane sheshaght-caggee: tra hass ad, lhig ad sheese nyn skianyn.

Ezekiel 1:7

As va ny cassyn oc cassyn jeeragh, as va boyn nyn goshey, myr boyn-coshey lheiy, as va ny fedjagyn oc soilshean myr prash sollys.

Ezekiel 10:9

As tra yeeagh mee, cur-my-ner kiare queeylyn liorish ny cherubim, un whueeyl liorish un cherub, as queeyl elley liorish cherub elley: as va cummey ny queeylyn myr cullyr clagh-beryl.

Ezekiel 40:3

As hug eh lesh mee derrey shen, as cur-my-ner, va dooinney ayn, as va’n cummey echey, dy yeeaghyn er, myr prash sollys, as reamlagh lieen ayns e laue, as cron-towshan, as hass eh ’sy yiat.

Ezekiel 8:2

Eisht yeeagh mee, as cur-my-ner co-chaslys ayns cummey aile: veih e vean sheese, v’eh aile; as veih e vean seose, casley rish sollyssid, myr cullyr yn amber.

Noo Mian 17:2

As va’n cummey echey er ny chaghlaa kiongoyrt roo, as ren yn eddin echey soilshean myr y ghrian, as va’n coamrey echey gial myr y soilshey.

Noo Mian 28:3

Va’n eddin echey goll-rish y tendreil, as e choamrey gial myr y sniaghtey.

Noo Luke 9:29

As myr v’eh ayns padjer, va cummey yn eddin echey er ny chaghlaa, as va’n coamrey echey gial as sollys.

Ashlish 10:1

As honnick mee ainle niartal elley cheet neose veih niau, coamrit lesh bodjal, as goll-twoaie er e chione, as va’n eddin echey myr y ghrian, as ny cassyn echey goll-rish pillaryn dy aile.

Ashlish 19:12

As va ny sooillyn echey myr lossey dy aile, as er e chione va ymmodee attaghyn; as va ennym echey scruit nagh row dooinney erbee dy hoiggal agh eh-hene:

Ashlish 2:18

As gys ainle agglish Thyatira, scrieu, Ny reddyn shoh ta Mac Yee dy ghra, ny sooillyn echey ta myr lossey dy aile, as e chassyn goll-rish prash sollys;

Ashlish 21:20

Yn wheiggoo, Sardonyx; yn cheyoo Sardius, yn chiaghtoo, Chrysolite, yn hoghtoo, Beryl; yn nuyoo, Topaz; yn jeihoo, Chrysoprasus; yn un undin jeig, Jacinth; yn ghaa-yeig, Amethyst.