Daniel 10:21 - Yn Vible Casherick 1775 1819

²¹ Agh neem’s soilshaghey dhyt shen ta scruit ayns lioar yn ynrickys; as cha vel unnane ta niartaghey eh-hene mârym ayns ny cooishyn shoh, agh Michael yn prince euish.

Daniel 10:21 ပူးပေါင်းရင်းမြစ်များ

Daniel 10:13

Agh ren prince reeriaght Phersia shassoo m’oï, laa as feed; agh cur-my-ner haink Michael ard-phrince ny princeyn dy chooney lhiam, as duirree mee ayns shen marish reeaghyn Phersia.

Daniel 12:1

As ec y traa shen, shassee Michael seose, yn ard-phrince, ta ass lieh cloan dty phobble, as hig traa seaghnagh, lheid as nagh row rieau neayr va ashoon, gys yn eer traa cheddin: as ec y traa shen bee dty phobble er ny livrey, dagh unnane vees ry-gheddyn scruit ayns y lioar.

Daniel 12:4

Agh uss, O Ghaniel, jeigh seose ny goan, as seal y lioar, eer gys traa yn jerrey: nee ymmodee roie noon as noal, as bee tushtey er ny vishaghey.

Daniel 8:26

As ta ashlish yn astyr as y voghrey, va inshit, firrinagh: shen-y-fa jeigh seose yn ashlish, son bee eh gys ymmodee laghyn.

Daniel 9:22

As dinsh eh dou, as loayr eh rhym, as dooyrt eh, O Ghaniel, ta mee nish er jeet magh, dy choyrt dhyt toiggal as tushtey.

Daniel 9:25

Gow tushtey er-y-fa shen, as jean toiggal; veih goll magh y sarey, dy yannoo ass-y-noa, as dy hroggal Jerusalem reesht, gys Messiah yn prince bee shiaght shiaghtinyn, as lurg three-feed shiaghtinyn as jees, bee’n straïd as y voalley er nyn droggal reesht, eer rish earishyn seaghnagh.

Amos 3:7

Dy firrinagh, cha jean y Chiarn Jee nhee erbee, nagh vel eh soilshaghey yn folliaght da e harvaantyn ny phadeyryn.

Jannoo 15:15

As rish shoh ta coardail goan ny phadeyryn; myr te scruit,

Jannoo 15:18

Ec Jee ta fys er ooilley e obbraghyn hene, er-dy hoshiaght y theihll.

Jude 1:9

Agh Michael yn ard-ainle, tra ayns streeu rish y drogh-spyrryd, v’eh pleadeil mychione corp Voses, cha ghow eh er dy choyrt stiagh plaiynt oltooanagh n’oï, agh dooyrt eh, Dy der y Chiarn oo dty host.

Ashlish 12:7

As va caggey ayns niau: ren Michael as e ainleyn caggey noi’n dragon, as ren y dragon as e ainleyn caggey;