Daniel 10:20 - Yn Vible Casherick 1775 1819

²⁰ Eisht dooyrt eh, Vel fys ayd’s, cre’n-oyr ta mee er jeet hood? as nish chyndaa-ym dy chaggey rish prince Phersia; as tra veem’s er n’gholl magh, cur-my-ner hig prince Ghrecia.

Daniel 10:20 ပူးပေါင်းရင်းမြစ်များ

Ezra 4:4

Shen-y-fa, ren pobble y cheer gannooinaghey laueyn pobble Yudah, as ad y voirey ayns yn obbyr.

Isaiah 37:36

Eisht hie ainle y Chiarn magh, as woaill eh ayns camp ny Assyrianee nuy-feed as queig thousaneyn: as tra dirree ad ’sy voghrey, cur-my-ner, v’ad ooilley nyn girp marroo.

Daniel 10:13

Agh ren prince reeriaght Phersia shassoo m’oï, laa as feed; agh cur-my-ner haink Michael ard-phrince ny princeyn dy chooney lhiam, as duirree mee ayns shen marish reeaghyn Phersia.

Daniel 7:6

Lurg shoh yeeagh mee, as cur-my-ner fer elley goll-rish leopard, lesh kiare skianyn eeanlee er e ghreeym, va er y veisht myrgeddin kiare king; as va reiltys er ny choyrt da.

Daniel 8:21

As ta’n goayr geyshteenagh ree Ghrecia, as yn eairk vooar, ta eddyr e hooillyn, ta’n chied ree.

Jannoo 12:23

As chelleeragh woaill ainle y Chiarn eh, er-yn-oyr nagh dug eh yn gloyr da Jee: as v’eh eeit ec ny crooagyn, as shen myr hooar eh baase.