Daniel 10:11 - Yn Vible Casherick 1775 1819

¹¹ As dooyrt eh rhym, O Ghaniel, dooinney ennoil, toig uss ny goan ta mee dy loayrt rhyt, as shass er dty chassyn: son hood’s ta mee nish er my choyrt. As tra v’eh er ghra shoh rhym, hass mee er-creau.

Daniel 10:11 ပူးပေါင်းရင်းမြစ်များ

Lioar Yob 37:1

Er shoh myrgeddin ta my chree er-creau, as er ny lhaggaghey ayns my chleeau.

Psalmyn 45:11

Clasht, O inneen, as smooinee ort, croym dty chleaysh: jarrood myrgeddin dty phobble hene, as thie dty ayrey.

Arrane Solomon 7:10

Ta mish lesh my ghraih, as orrym’s ta e chree’s soit.

Ezekiel 14:14

Ga dy beagh ny three deiney shoh, Noah, Daniel, as Job ayn, cha jinnagh ad livrey agh nyn anmeenyn hene liorish nyn gairys, ta’n Chiarn Jee dy ghra.

Ezekiel 2:1

As dooyrt eh rhym, Vac y dooinney, shass er dty chassyn, as loayr-yms rhyt.

Daniel 10:19

As dooyrt eh, O ghooinney ard-ennoil, ny bee aggle ort, shee dy row hood, bee er dty gherjaghey, as bee eer er dty niartaghey. As tra v’eh er loayrt rhym, va mee er my niartaghey, as dooyrt mee, Lhig da my hiarn loayrt; son t’ou er my niartaghey.

Daniel 10:3

Cha d’ee mee arran lesh blass erbee, chamoo haink feill ny feeyn er my veeal, chamoo ren mee my hene y ooilaghey, derrey va three slane shiaghtinyn ec kione.

Noo Mark 16:8

As hie ad magh ayns siyr, as roie ad roue veih’n oaie, son v’ad er-creau as atchimagh: chamoo loayr ad veg rish dooinney erbee; son v’ad agglit.

Noo Ean 13:23

Nish va ny lhie er oghrish Yeesey, fer jeh e ostyllyn bynney lesh.

Noo Ean 21:20

Eisht hyndaa Peddyr mygeayrt, as honnick eh cheet geiyrt orroo yn ostyl bynney lesh Yeesey; yn fer cheddin ren lhie rish e oghrish ec shibber, as dooyrt Hiarn, quoi eh ta dy dty vrah?

Jannoo 26:16

Agh irree, as shass er dty chassyn: son ta mish er hoilshaghey mee hene dhyt er-yn-oyr shoh, dy yannoo oo dty hirveishagh as dty eanish, chammah jeh ny reddyn t’ou er vakin, as jeh ny reddyn shen ayndoo nee’m mee-hene y hoilshaghey dhyt;

Jannoo 9:6

As v’eh er-creau as fo atchim, as dooyrt eh, Hiarn, cre bailt mee dy yannoo? As dooyrt y Chiarn rish, Irree, as gow gys yn ard-valley, as bee eh inshit dhyt cre ta ort dy yannoo.