Daniel 1:9 - Yn Vible Casherick 1775 1819

⁹ Nish hug Jee er Daniel dy ve ayns foayr as slane aigney-mie rish yn ard-eunuch.

Daniel 1:9 ပူးပေါင်းရင်းမြစ်များ

Genesis 32:28

As dooyrt eh, Cha bee dty ennym ny sodjey Jacob, agh Israel: son myr prince ta pooar ayd marish Jee, as marish deiney, as t’ou er gheddyn y varriaght.

Genesis 39:21

Agh va’n Chiarn marish Joseph, as hoilshee eh myghin da, as hug eh da foayr ayns shilley arreyder y phryssoon.

1 Reeaghyn 8:50

As leih da dty phobble t’er n’yannoo peccah dt’oï, as ooilley nyn ghrogh-yannoo t’ad er chur-rish dt’oï, as lhig daue foayr y gheddyn vouesyn hug lhieu ad ayns cappeeys, dy vod ad ve erreeishagh daue:

Nehemiah 1:11

O Hiarn, ta mee guee ort, lhig da dty chleaysh nish geaishtagh rish padjer dty harvaant, as rish padjer dty harvaantyn, ta aggindagh dy ghoaill aggle roish dty ennym: as cur dty vannaght, ta mee guee ort, yn laa shoh, lesh dty harvaant, as giall da foayr ayns shilley yn dooinney shoh. Son va mish shirveishagh cappan y ree.

Nehemiah 2:4

Eisht dooyrt y ree rhym, Cre ta dty yeearree? Er shoh ren mee my phadjer gys Jee niau.

Esther 2:9

As by-laik lesh y ven aeg, as yeeagh eh foayr jee, as hug eh jee chelleeragh spiceyn-oonlee ry-hoi glenney, marish lheid ny reddyn as va cooie er e son, as shiaght mraane aegey va dy hirveish urree, ass thie yn ree, as phoint eh jeeish as da ny mraane eck, yn reih ynnyd va ayns thie ny mraane.

Lioar Yob 5:15

Agh t’eh sauail yn voght veih’n chliwe, veih yn veeal ocsyn, as veih laue yn vooinjer niartal.

Lioar Yob 5:16

Myr shen ta treishteil ec y voght, as ta beeal mee-chairys ny host.

Psalmyn 106:46

Bannit dy row yn Chiarn Jee dy Israel veih dy bragh, as seihll gyn jerrey: as lhig da ooilley’n pobble gra, Amen.

Psalmyn 4:3

Toig-jee shoh neesht, dy vel y Chiarn er reih da hene yn dooinney ta crauee: tra nee’m geamagh er y Chiarn, nee eh clashtyn rhym.

Raaghyn Creeney 16:7

Tra ta kenjallys y Chiarn er raaidyn dooinney, t’eh coyrt er eer e noidyn ’ve ec shee rish.

Daniel 1:10

As dooyrt yn ard-eunuch rish Daniel, Ta mee ayns aggle roish my hiarn y ree, ta er phointeil diu nyn mee as nyn yough: son my hee-ys eh yn eddin euish, as neeal smessey orroo na er nyn goasanyn: eisht ver shiu mee ayns gaue my ching roish y ree.

Jannoo 7:10

As livrey eh eh veih ooilley e heaghyn, as hug eh da foayr as creenaght ayns shilley Pharaoh ree Egypt; as ren eh eh ny chiannoort er Egypt, as ooilley e hie.