Daniel 1:8 - Yn Vible Casherick 1775 1819

⁸ Agh va Daniel kiarit ayns e chree, nagh jinnagh eh neu-ghlen jeh hene, lesh lhongey veih boayrd y ree, ny lesh y feeyn diu eh: shen-y-fa, ghuee eh er yn ard-eunuch, nagh beagh eh êginit dy leodaghey eh-hene.

Daniel 1:8 ပူးပေါင်းရင်းမြစ်များ

1 Reeaghyn 5:5

As cur-my-ner, ta mee kiarail thie y hroggal gys ennym y Chiarn my Yee, myr loayr y Chiarn rish David my ayr, gra, Nee dty vac neem’s y hoiaghey er dty stoyl-reeoil ayns dty ynnyd thie y hroggal gys my ennym.

Psalmyn 106:28

Ren ad lhiantyn gys Baal-peor: as d’ee ad ourallyn ny merriu.

Psalmyn 119:106

Ta mee er vreearrey, as ta mee dy shickyr kiarit: dy reayll dty vriwnyssyn.

Psalmyn 119:115

Ass my enish, shiuish ghrogh-yantee: freill-yms annaghyn my Yee.

Psalmyn 141:4

O ny lhig da my chree ve er ny lhoobey gys drogh obbyr erbee: ny lhig dou raad y choyrt dou hene ayns cliaghtaghyn mee-chrauee, mâroosyn ta gobbraghey olk; er-aggle dy goym commee jeh ny t’ad goaill taitnys ayn.

Raaghyn Creeney 23:3

Ny bee miandagh er e yien mie, son te bee molteyragh.

Daniel 1:5

As doardee yn ree daue beaghey gagh-laa jeh boayrd y ree, as jeh’n feeyn v’eh hene dy iu: myr shen dy reir ad three bleeaney, as shen harrish, v’ad dy hassoo kiongoyrt rish y ree.

Daniel 5:4

Diu ad feeyn, as hug ad moylley da ny jeeghyn-jalloo dy airh, dy argid, dy phrash, dy yiarn, dy fuygh, as dy chlagh.

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Jannoo 15:20

Agh shin dy scrieu huc, ad dy reayll ad-hene veih eajeeys jallooyn, as veih maarderys, as veih [gee] reddyn toghtit, as veih fuill.

1 Corinthianee 7:37

Ny-yeih, eshyn t’er hassoo shickyr ayns e chree, as nagh vel fo êgin erbee, agh ta pooar echey harrish e aigney hene, as myr shen er chiarail ayns e chree, dy jean eh e voidyn y reayll, [gyn poosey], t’eh jannoo dy mie.

2 Corinthianee 9:7

Lhig da dy chooilley ghooinney coyrt da’n voght, myr ta e chree coyrt roish; cha nee mooaraghey, ny myr dy beagh eh êginit huggey: son shynney lesh Jee eshyn ta coyrt dy aggindagh.

Deuteronomy 32:38

Ren gee meeaylys nyn ourallyn, as giu feeyn ny chebballyn-jough oc? lhig daue troggal orroo, as cooney lhieu, as ve nyn gemmyrk.