Daniel 1:7 - Yn Vible Casherick 1775 1819

⁷ Dauesyn hug yn ard-eunuch enmyn: son hug eh er Daniel yn ennym Belteshazzar, as er Hananiah, Shadrach, as er Mishael, Meshach, as er Azariah, Abed-nego.

Daniel 1:7 ပူးပေါင်းရင်းမြစ်များ

Genesis 41:45

As ren Pharaoh genmys Joseph Zaphnath-paaneah: as hug eh da son ben Asenath inneen Potipherah prince jeh Ou: as hie Joseph magh trooid ooilley cheer Egypt.

2 Reeaghyn 23:34

As ren Pharaoh-nechoh Eliamim mac Josiah ny ree, ayns ynnyd Josiah e ayr, as chaghlaa eh yn ennym echey gys Jehoiakim, as ghow eh Jehoahaz ersooyl: as haink eh gys Egypt, as hooar eh baase ayns shen.

2 Reeaghyn 24:17

As ren ree Vabylon Mattaniah naim Jehoiachin ree ny ynnyd, as chaghlaa eh yn ennym echey gys Zedekiah.

Daniel 1:19

As ren y ree taggloo roo, as nyn mast’ oc ooilley cha row fer ry-gheddyn casley rish Daniel, Hananiah, Mishael as Azariah: shen-y-fa hass ad kiongoyrt rish y ree.

Daniel 1:3

As loayr y ree rish Ashpenaz yn ard-eunuch, dy ghoaill huggey shiartanse dy chloan Israel, jeh’n sluight reeoil, as jeh ny princeyn;

Daniel 10:1

Ayns y trass vleïn jeh Cyrus ree Phersia, va folliaght er ny hoilshaghey da Daniel (va’n ennym echey Belteshazzar) as va’n chooish firrinagh, agh va’n traa er y hon foddey ry-heet, as hoig eh yn chooish, as va tushtey echey jeh’n ashlish.

Daniel 2:26

Dreggyr y ree, as dooyrt eh rish Daniel, va enmyssit Belteshazzar, Vel uss son soilshaghey dooys yn dreamal, as dy choyrt bun er?

Daniel 2:49

As hir Daniel er y ree, as hoie eh Shadrach, Meshach as Abed-nego harrish cooishyn rheam Vabylon: agh va Daniel soie [ny vriw] ayns giat y ree.

Daniel 4:5

Honnick mee ashlish, daggle mee, as ren ny smooinaghtyn er my lhiabbee, as ashlishyn my chione m’y voirey.

Daniel 4:8

Agh fy-yerrey haink Daniel stiagh kiongoyrt rhym (va’n ennym echey Belteshazzar, cordail rish ennym my yee, as ayn ta spyrryd ny flaunyssee noo) as dasyn dinsh mee yn dreamal, gra,

Daniel 5:12

Son wheesh as dy row er ny gheddyn ayns y Daniel cheddin, eh denmys yn ree Belteshazzar, ard-spyrryd dy chreenaght, as tushtey, as toiggal cur bun er ashlishyn, as soilshaghey, feyshtyn, as reaghey cooishyn dorraghey: nish lhig da Daniel ve sumnit, as nee eshyn soilshaghey cre t’er ny hoiggal liorish.