Daniel 1:4 - Yn Vible Casherick 1775 1819

⁴ Cloan, nagh row assee erbee orroo, agh aalin as arryltagh gys creenaght, as aggindagh gys tushtey, as dy ghoaill ynsaghey, ny lheid’s va feeu dy hassoo ayns plaase y ree, as daue dy choyrt ynsaghey as glare ny Caldeanee.

Daniel 1:4 ပူးပေါင်းရင်းမြစ်များ

Genesis 41:46

As va Joseph jeih bleeaney as feed dy eash, tra hass eh fenish Pharaoh ree Egypt; as hie Joseph magh veih fenish Pharaoh, as hie eh trooid ooilley cheer Egypt.

2 Samuel 14:25

Agh ayns ooilley Israel, cha row dooinney dy ve soylit rish Absalom son e aalid: veih boyn e choshey eer gys mullagh e ching cha row lheamys erbee er.

Raaghyn Creeney 22:29

Vel oo fakin dooinney jeidjagh ayns e obbyr? nee eh shassoo fenish reeaghyn, cha jean eh shirveish deiney donney.

Ecclesiastes 7:19

Ta creenaght niart smoo da’n dooinney creeney, na jeih treanee caggee ayns ard-valley.

Isaiah 36:11

Eisht dooyrt Eliakim as Shebna as Joah rish Rabshakeh, Loayr, ta mee guee ort, rish dty harvaantyn ayns glare ny Syrianee; son ta shin toiggal eh: as ny loayr rooin ayns glare ny Hewnyn, ayns clashtyn y phobble ta er y voalley.

Jeremiah 5:15

Cur-my-ner, ver-yms lhiam erriu ashoon veih foddey, O hie Israel, ta’n Chiarn dy ghra: te ny ashoon niartal, te ny henn ashoon, ashoon nagh nhione dhyt y ghlare oc, chamoo t’ou, toiggal cre t’ad dy ghra.

Daniel 2:10

As dreggyr ny Caldeanee fenish y ree, as dooyrt ad, Cha vel dooinney er yn ooir, oddys soilshaghey cooish y ree: shen-y-fa cha vel ree erbee, ny reejerey, ny fer-reill erbee, ta er hirrey lheid ny reddyn veih dooinney-creeney erbee, ny rollageydagh, ny Caldean.

Daniel 2:2

Eisht doardee yn ree dy eamagh er ny deiney-creeney, as ny rollageydee, as ny fir-ysseree, as ny Caldeanee, dy hoilshaghey da’n ree e ghreamallyn: myr shen haink ad, as hass ad fenish y ree.

Daniel 3:8

Shen-y-fa ec y traa cheddin haink shiartanse dy Chaldeanee er-gerrey, as hug ad stiagh plaiynt noi ny Hewnyn.

Daniel 4:7

Eisht haink ny deiney-creeney, ny rollageydee, ny Caldeanee, as ny fir-faishnee, as dinsh mee daue yn dreamal, agh cha dug ad bun erbee er.

Daniel 5:11

Ta dooinney ayns dty reeriaght, ta spyrryd ny flaunyssee noo ayn, as rish lhing dty ayrey, va soilshey, as tushtey, as creenaght casley rish creenaght ny flaunyssee ry-gheddyn aynsyn; eh ren ree Nebuchadnezzar dty ayr ny vainshtyr harrish ny deiney-creeney, ny rollageydee, ny Caldeanee, as ny fir-ysseree.

Daniel 5:7

Dyllee yn ree dy ard, ad dy chur lhieu stiagh ny rollageydee, ny Caldeanee, as ny fir-ysseree: as loayr y ree, as dooyrt eh rish deiney-creeney Vabylon, Quoi-erbee lhaihys yn screeu shoh, as ver dooys bun er, bee eh er ny choamrey lesh scarleod, as boandey airhey mysh e wannal, as bee eh yn trass reiltagh ’sy reeriaght.

Daniel 9:1

Ayns y chied vleïn jeh reill Darius, mac Ahasuerus, jeh sluight ny Medeyn, va jeant ny ree harrish reeriaght ny Caldeanee;

Zechariah 2:4

As dooyrt eh rish, Roie, loayr rish yn dooinney aeg shoh, gra, Bee cummaltee ayns Jerusalem myr ayns baljyn gyn voallaghyn son ymmodee ny deiney, as yn ollagh t’ayn.

Jannoo 7:20

Ayns y traa shoh rug Moses, as v’eh lhiannoo erskyn-towse aalin, as v’eh er ny voandyrys dy follit three meeghyn ayns thie e ayrey:

Jannoo 7:22

As hie Moses er ynsaghey ayns ooilley creenaght ny Egyptianee, as v’eh pooaral ayns goo as jannoo.

Ephesianee 5:27

Dy voddagh eh ee y hoiaghey magh da hene ny agglish ghloyroil, fegooish spot ny cron, ny veg y lheid; agh dy voddagh ee ’ve casherick, as fegooish lheamys erbee.

Briwnyn 8:18

Eisht dooyrt eh rish Zebah as Zalmunna, Cre’n mec deiney v’ad shen ren shiu y varroo ee Tabor? As dreggyr ad, Myr t’ou uss, shen myr v’adsyn; va dagh fer jeu, dy yeeaghyn orroo, goll-rish cloan ree.