Daniel 1:3 - Yn Vible Casherick 1775 1819

³ As loayr y ree rish Ashpenaz yn ard-eunuch, dy ghoaill huggey shiartanse dy chloan Israel, jeh’n sluight reeoil, as jeh ny princeyn;

Daniel 1:3 ပူးပေါင်းရင်းမြစ်များ

2 Reeaghyn 24:15

As hug eh lesh Jehoiachin ersooyl gys Babylon, as moir y ree, as mraane y ree, as ny fir-oik, as ard-gheiney ny cheerey; ad shen hug eh lesh ayns cappeeys veih Jerusalem gys Babylon.

Isaiah 39:6

Cur-my-ner, hig ny laghyn, dy bee ooilley ny ta ayns dty hie, as ooilley tashtaghyn dty henn-ayryn gys y laa t’ayn jiu, er nyn goyrt lhieu ersooyl gys Babylon: cha bee nhee erbee faagit, ta’n Chiarn dy ghra.

Isaiah 39:7

As jeh dty vec hig jeed’s, nee oo y gheddyn, nee ad goaill ersooyl ad; bee ad nyn shirveishee ayns plaase ree Vabylon.

Jeremiah 41:1

Nish haink eh gy-kione ayns y chiaghtoo vee, dy daink Ishmael mac Nethaniah, mac Elishama, jeh’n chynney reeoil, as princeyn y ree, eer jeih deiney mârish, gys Gedaliah mac Ahikam, gys Mizpah: as shen y raad d’ee ad arran cooidjagh ec Mizpah.

Deuteronomy 28:41

Nee oo mec as inneenyn y gheddyn, agh cha bee boggey ayd jeu, son hed ad gys cappeeys.