Daniel 1:20 - Yn Vible Casherick 1775 1819

²⁰ As ayns dy chooilley chooish dy chreenaght as toiggal, va’n ree briaght jeu, hooar eh ad jeih keayrtyn share na ooilley ny deiney-creeney as rollageydee v’ayns ooilley e reeriaght.

Daniel 1:20 ပူးပေါင်းရင်းမြစ်များ

Genesis 31:7

As ta’n ayr eu er my volley, as er chaghlaa my aill dy mennick: agh cha lhig Jee da aggair ’yannoo dou.

Genesis 41:8

As haink eh gy-kione ’sy voghrey, dy row e aigney seaghnit, as hug eh fys, as deïe eh er ooilley fir-obbee Egypt, as ooilley ny deiney creeney v’ayn; as dinsh Pharaoh e ghreamal daue; agh cha row unnane oddagh toiggal y choyrt da Pharaoh jeu.

Nehemiah 4:12

As haink eh gy-kione, tra va ny Hewnyn, va cummal lioroo, er jeet, as dy mennick er n’insh dooin, Veih dy chooilley ard hyndaa-ys shiu, tuittee ad shoh erriu.

Lioar Yob 19:3

Shimmey ta ny keayrtyn ta shiu er my oltooaney: nagh vel nearey erriu dy hionney cha trome orrym?

Psalmyn 119:99

Ta ny smoo dy hushtey aym na t’ec my ir-ynsee: son ayns dty recortyssyn ta mee baarail my smooinaghtyn.

Exodus 7:22

As ren fir-obbee Egypt y lheid cheddin lesh nyn obbeeys; as va cree Pharaoh er ny chreoghey; chamoo hug eh geill daue; myr va’n Chiarn er ghra.

Exodus 8:19

Eisht dooyrt ny fir-obbee rish Pharaoh, mair Yee shoh: agh va cree Pharaoh er ny chreoghey, as cha dug eh clashtyn daue myr va’n Chiarn er ghra.

Exodus 8:7

As ren ny fir-obbee y lheid cheddin lesh nyn obbeeys, as hug ad lhieu froggyn er cheer Egypt.

Isaiah 19:3

As nee dunnallys Egypt failleil ayns y vean echey; as ver-yms yn choyrle echey naardey: as nee ad shirrey gys ny jallooyn, as gys fir-obbee, as gys fir-faishnee, as gys buitchyn.

Ezekiel 28:3

Cur-my-ner t’ou ny s’creeney na Daniel; cha vel folliaght erbee oddys ad y cheiltyn voïd:

Daniel 1:17

Agh er son ny kiare scollagyn shoh, hug Jee daue tushtey as schleï ayns dy chooilley ynsaghey as creenaght: as va fysseree ec Daniel ayns dy chooilley cheint dy ashlishyn as dreamallyn.

Daniel 2:13

As hie yn sarey magh son stroie ny deiney-creeney; as v’ad shirrey son Daniel as e heshaghyn dy stroie ad.

Daniel 2:21

As t’eh caghlaa ny traaghyn as ny imbaghyn, t’eh scughey reeaghyn as soiaghey seose reeaghyn, t’eh coyrt creenaght dauesyn ta creeney, as tushtey dauesyn ta toiggal tushtey.

Daniel 5:17

Eisht dreggyr Daniel, as dooyrt eh fenish y ree, Freill dty yiootyn dhyt hene, as as cur dty leagh da fer elley, ny-yeih, lhaih-yms yn screeu da’n ree, as soilshee-ym da cre t’er ny hoiggal liorish.

Earrooyn 14:22

Er son ooilley ny deiney shen t’er vakin my ghloyr, as my virrilyn ren mee ayns Egypt, as ayns yn aasagh, as t’er m’y vrasnaghey nish ny jeih keayrtyn shoh, as nagh vel er n’eaishtagh rish my choraa;