Daniel 1:1 - Yn Vible Casherick 1775 1819

¹ Ayns y trass vleïn jeh reill Yehoiakim ree Yudah, haink Nebuchadnezzar ree Vabylon gys Jerusalem, dy chaggey n’oï.

Daniel 1:1 ပူးပေါင်းရင်းမြစ်များ

2 Reeaghyn 23:36

Va Jehoiakim queig bleeaney as feed dy eash tra ghow eh toshiaght dy reill; as va e reill un vleïn jeig ayns Jerusalem: as ennym e voir va Zebudah, inneen Pedaiah jeh Rumah.

2 Reeaghyn 24:13

As hug eh lesh magh veih shen ooilley tashtaghyn thie yn Chiarn, as tashtaghyn thie yn ree, as yiare eh ayns peeshyn ooilley ny siyn airhey va Solomon ree Israel er n’yannoo ayns chiamble y Chiarn, myr va’n Chiarn er ghra.

Isaiah 39:7

As jeh dty vec hig jeed’s, nee oo y gheddyn, nee ad goaill ersooyl ad; bee ad nyn shirveishee ayns plaase ree Vabylon.

Jeremiah 25:1

Yn goo haink gys Jeremiah mychione ooilley phobble Yudah, ayns y chiarroo vleïn jeh Jehoiakim mac Yosiah ree Yudah, shen va yn chied vleïn jeh Nebuchadrezzar ree Vabylon;

Jeremiah 35:1

Yn goo haink gys Jeremiah veih’n Chiarn, rish lhing Yehoiakim mac Yosiah ree Yudah, gra,

Jeremiah 35:11

Agh shen myr ve, tra haink Nebuchadrezzar ree Vabylon seose noi yn cheer, dy dooyrt shin, Tar-jee, as lhig dooin goll gys Jerusalem, er-aggle armee ny Caldeanee, as er-aggle roish armeeyn ny Syrianee. As shoh’n oyr ta shin nish cummal ec Jerusalem.

Jeremiah 36:1

As haink eh gy-kione, ayns y chiarroo vleïn jeh reill Yehoiakim mac Yosiah ree Yudah, dy daink yn goo shoh gys Jeremiah veih’n Chiarn, gra,

Jeremiah 45:1

Yn goo loayr y phadeyr Jeremiah rish Baruch mac Neriah, tra v’eh er scrieu ny goan shoh ayns lioar veih beeal Yeremiah, ’sy chiarroo vleïn jeh reill Yehoiakim mac Yosiah, ree Yudah, gra,

Jeremiah 50:1

Yn goo loayr y Chiarn noi Babylon, as noi cheer ny Caldeanee, liorish Jeremiah yn phadeyr.

Jeremiah 52:12

Nish ayns y wheiggoo vee, er y chiaghtoo laa jeh’n vee, (va’n nuyoo vleïn jeig jeh Nebuchadrezzar ree Vabylon,) haink Nebuzaradan captan y ghard, va shirveish fo ree Vabylon, gys Jerusalem:

Jeremiah 52:28

Shoh yn pobble hug Nebuchadrezzar lesh ersooyl ayns cappeeys: ’sy chiaghtoo vleïn, three thousaneyn as three as feed dy Hewnyn:

Daniel 5:13

Eisht hug ad lhieu Daniel stiagh fenish y ree; as loayr y ree, as dooyrt eh rish Daniel, Nee uss yn Daniel shen, ta jeh cappeeys cloan Yudah, hug y ree my ayr lesh veih Jewry?