Colossianee 4:1 - Yn Vible Casherick 1775 1819

¹ Shiuish vainshteryn, cur-jee da nyn sharvaantyn shen ny ta cairagh as cooie, toiggal dy vel eu hene myrgeddin mainshter ayns niau.

Yn Conaant Noa 1810

¹ Shiuish vainshteryn, cur‐jee da nyn sharvaantyn shen ny ta cairagh as cooie, toiggal dy vel eu hene myrgeddin mainshter ayns niau.

Colossianee 4:1 ပူးပေါင်းရင်းမြစ်များ

Ashlish 17:14

Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.

Jamys 5:4

Cur-my-ner, ta faill ny labreeyn, ta er vuinn ny magheryn eu, ta lieriuish er ny reayll voue dy molteyragh, gaccan: as ta eam ny beayneeyn er n’gholl stiagh ayns cleayshyn y Chiarn dy Heshaght-chaggee flaunys.

Ecclesiastes 5:8

My hee oo tranlaase jeant er y voght, as laue lajer jeant er briwnys as cairys ’sy cheer, ny gow yindys jeh’n chooish: son ta eshyn, ta erskyn y fer syrjey, cur tastey, as ta ny syrjey ayn na adsyn.

Ashlish 19:16

As ta echey er e gharmad as er e lheeasid ennym scruit, REE DY REEAGHYN, AS CHIARN DY HIARNYN.

Noo Luke 19:15

As haink eh gy-kione, tra v’eh er jeet reesht, erreish da yn reeriaght y gheddyn, dy doardee eh ny sharvaantyn shen dy ve eït huggey, daue v’eh er choyrt yn argid, dy gheddyn fys cre-woad va dy chooilley ghooinney er chosney liorish e ghellal.

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

Leviticus 19:13

Cha jean oo molley dty naboo, ny tranlaase ’yannoo er: cha bee faill y labree ayns dty laue fud-ny-hoie, derrey’n voghrey.

Isaiah 58:3

Cre’n-oyr ta shin er drostey, jir adsyn, as cha vel oo cur-my-ner? cre’n-fa ta shin er heaghney nyn annym, as cha vel oo coyrt geill? Cur-my-ner, ayns laa nyn drostey ta soaillid eu, as ta shiu ro ghyere ayns troggal ny feeaghyn eu.

Noo Mian 20:4

As dooyrt eh roo, Immee-jee shiuish myrgeddin gys y gharey-feeyney, as cre-erbee ta cair, shen yiow shiu. As hie ad rhymboo.