Colossianee 3:2 - Yn Vible Casherick 1775 1819

² Soie-jee nyn aignaghyn er reddyn flaunyssagh, as cha nee er reddyn thallooinagh:

Yn Conaant Noa 1810

² Soie‐jee nyn aignaghyn er reddyn flaunyssagh, as cha nee er reddyn thallooinagh:

Colossianee 3:2 ပူးပေါင်းရင်းမြစ်များ

1 Recortyssyn 22:19

Nish soie-jee nyn gree as nyn annym dy hirrey yn Chiarn nyn Yee; seose-jee eisht, as trog-jee cabbane-agglish y Chiarn Jee, dy choyrt lhieu arg conaant y Chiarn, as siyn casherick Yee, stiagh gys y thie ta dy ve troggit gys ennym y Chiarn.

1 Recortyssyn 29:3

As, er-yn-oyr dy vel mee er hoiaghey my ghraih er thie my Yee, ta aym jeh my chooid hene er-lheh, airh as argid, ta mee er stowal er thie my Yee, harrish as erskyn ooilley ny ta mee er chiarail ro-laue son y thie casherick.

Psalmyn 62:10

O ny treisht-jee ayns aggair as roosteyrys; ny cur-jee shiu hene seose gys molteyrys: my ta berchys bishaghey, ny soie-jee nyn gree orroo.

Psalmyn 91:14

Er-yn-oyr dy vel eh er hoiaghey e ghraih orrym, shen-y-fa livrey-ym eh: neem’s eh y hoiaghey seose, er-y-fa dy vel enney echey er m’Ennym.

Raaghyn Creeney 23:5

Jean oo dty hooillyn y hoiaghey er shen nagh vel farraghtyn? son ta berchys dy shickyr jannoo skianyn daue hene; t’ad getlagh ersooyl myr urley neealloo yn aer.

Ecclesiastes 7:14

Ayns y laa dy vaynrys gow boggey; agh ayns y laa dy heaghyn smooinee ort hene; ta Jee myrgeddin er hoiaghey yn derrey yeh noi’n jeh elley, nagh beagh oyr plaiynt ec dooinney erbee.

Noo Mian 16:23

Agh hyndaa eshyn, as dooyrt eh rish Peddyr, Ass my enish, y violeyder, t’ou cur ribbey ayns my raad: son cha vel ennaghtyn ayd jeh ny reddyn ta bentyn rish Jee, agh jeh ny reddyn ta bentyn rish deiney.

Noo Mian 6:19

Ny stoyr-jee seose berchys diu hene er y thalloo, raad ta’n lhemeen as y mergey cur mow, as raad ta maarlee brishey stiagh as geid:

Noo Luke 12:15

As dooyrt eh roo, Gow-jee tastey, as cur-jee twoaie jeh saynt: son cha vel maynrys bea yn dooinney lhie ayns mooarane e chooid-seihlt.

Noo Luke 16:11

Mannagh vel shiu er-y-fa shen er ve ynrick ayns y mammon molteyragh, quoi ver yn verchys firrinagh fo nyn gurrym?

Philippianee 1:23

Son ta mee ayns chennid eddyr jees, aggindagh dy gholl roym, as dy ve marish Creest; ta foddey share:

Colossianee 3:1

My ta shiuish eisht er n’irree marish Creest, shir-jee ny reddyn shen ta er-nyn-skyn, raad ta Creest ny hoie er laue yesh Yee.

Colossianee 3:5

Smaghtee-jee er-y-fa shen ny oltyn thallooinagh eu; maarderys, neu-ghlennid, yeearree neu-chooie, drogh vian, as saynt seihltagh, ta dy chur ammys da jallooyn: