Colossianee 2:3 - Yn Vible Casherick 1775 1819

³ Ayn ta follit dy chooilley verchys dy chreenaght as tushtey.

Yn Conaant Noa 1810

³ Ayn ta follit dy chooilley verchys dy chreenaght as tushtey.

Colossianee 2:3 ပူးပေါင်းရင်းမြစ်များ

1 Reeaghyn 3:28

As cheayll ooilley Israel jeh’n vriwnys va’n ree er choyrt; as v’ad arrymagh roish y ree: son honnick ad dy row creenaght Yee mârish, ayns jannoo briwnys.

Lioar Yob 28:21

Fakin dy vel eh keillit veih sooillyn dy chooilley ghooinney bio, as gyn-yss da eeanlee’n aer.

Raaghyn Creeney 2:4

My shirrys oo ee myr argid, as ronsaghey er y hon eck, myr son berchys follit;

Isaiah 11:2

As nee Spyrryd y Chiarn tannaghtyn ersyn, spyrryd dy chreenaght as dy hoiggal, spyrryd dy choyrle as dy niart, spyrryd dy hushtey as dy aggle y Chiarn;

Isaiah 40:14

Quoi jeh t’eh er n’ghoaill coyrle, as quoi ta er chur roish, as er n’ynsaghey eh ayns cassan briwnys, as er chur toiggal da, as er hoilshaghey raad tushtey da?

Noo Mian 10:26

Ny gow-jee er-y-fa shen aggle roue: son cha vel nhee erbee follit nagh jig gys soilshey: ny nhee erbee keillit, nagh jig er-ash.

Noo Luke 11:49

As shoh yn oyr ta creenaght Yee er ghra, Ver-ym huc phadeyryn as ostyllyn, as paart jeu nee ad y varroo, as tranlaase y yannoo orroo:

Romanee 11:33

O diunid y verchys chammah jeh creenaght as tushtey Yee! cre cha follit ta ny briwnyssyn echey, as e raaidyn erskyn nyn roshtyn!

1 Corinthianee 1:24

Agh dauesyn t’er nyn eam, chammah Hewnyn as Greekyn, Creest pooar Yee, as creenaght Yee.

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey-ys:

Ephesianee 1:8

T’eh er lhieeney orrin dy palchey ayns dy chooilley chreenaght as tushtey,

Colossianee 1:19

Son s’gooidsave lesh yn Ayr, dy jinnagh slane towse y dooghys flaunyssagh cummal aynsyn;

Colossianee 1:28

Eshyn ta shinyn dy phreacheil, cur raaue da dy chooilley ghooinney, as gynsaghey dy chooilley ghooinney ayns slane creenaght; dy vod mayd dy chooilley ghooinney y hebbal dy slane casherick ayns Creest Yeesey:

Colossianee 1:9

Er-yn-oyr shoh cha vel shinyn myrgeddin, er-dyn laa cheayll shin jeh, scuirr dy ghoaill padjer er nyn son, as dy yeearree dy vod shiu ve jeant magh lesh toiggal jeh e aigney, ayns dy chooilley chreenaght as tushtey spyrrydoil:

Colossianee 3:16

Lhig da goo Chreest tannaghtyn ayndiu dy palchey ayns dy chooilley chreenaght; gynsaghey as coyrlaghey yn derrey yeh yn jeh elley ayns psalmyn, as arraneyn-moyllee as spyrrydoil, goaill arrane lesh grayse ayns nyn greeaghyn gys y Chiarn.

Colossianee 3:3

Son ta shiu marroo, as ta’n vea eu follit marish Creest ayns Jee.

2 Peddyr 1:5

As marish shoh, lesh slane imnea, cur-jee gys nyn gredjue, dunnallys; as gys dunnallys, tushtey;

Ashlish 2:17

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn. Dasyn ta geddyn yn varriaght ver-yms dy ee jeh’n manna follit, as ver-ym da clagh vane, as er y chlagh ennym noa scruit, nagh nione da dooinney erbee, agh eshyn ta dy gheddyn eh.