Briwnyn 9:9 - Yn Vible Casherick 1775 1819

⁹ Agh dooyrt yn billey-olive roo, Bailliu mish dy aagail my veeaylys, lesh t’ad ooashlaghey Jee as dooinney, as mish dy ve soit harrish ny biljyn?

Briwnyn 9:9 ပူးပေါင်းရင်းမြစ်များ

Lioar Yob 1:7

As dooyrt y Chiarn rish Satan, Cre veih t’ou uss er jeet? Eisht dreggyr Satan y Chiarn, as dooyrt eh, Veih goll noon as noal, as shooyl huggey as veih er feaï-ny-cruinney.

Lioar Yob 2:2

As dooyrt y Chiarn rish Satan, Cre veih t’ou uss er jeet? As dreggyr Satan y Chiarn, as dooyrt eh, Veih rouail noon as noal, as veih gimmeeaght huggey as veih er feaï-ny-cruinney.

Psalmyn 104:15

Dy vod eh beaghey y chur lesh magh ass y thalloo, as feeyn ta gerjaghey cree dooinney: as ooil dy chur da eddin ghennal, as arran dy niartaghey cree dooinney.

Psalmyn 89:20

Loayr oo keayrt dy row ayns ashlishyn rish dty nooghyn, as dooyrt oo: Ta mee er choyrt cooney er fer ta niartal; Ta mee er hoiaghey seose fer reiht ass y pobble.

Exodus 29:2

As arran gyn soorit, as berreenyn gyn soorit jeant lesh ooil, as keeakyn millish slaiyt lesh ooil: dy flooyr churnaght nee oo ad.

Exodus 29:7

As nee oo goaill yn ooil casherick, as y gheayrtey eh er e chione, as ooilaghey eh.

Exodus 35:14

Yn kainlere myrgeddin son soilshey, as e yeshaghtyn, as e lampyn, lesh ooil son y soilshey,

Leviticus 2:1

As tra nee fer erbee chebbal oural-arran da’n Chiarn ta’n oural echey dy ve flooyr meein: as nee eh deayrtey ooil er, as coyrt frankincense huggey.

Jannoo 10:38

Kys dy ren Jee Yeesey dy Nazareth y ooilaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh-spyrryd: son va Jee mârish.

Jannoo 4:27

Son ayns firrinys noi dty lhiannoo casherick Yeesey, t’ou er ny ooilaghey, va chammah Herod as Pontius Pilate marish ny Ashoonee as pobble Israel er nyn jaglym cooidjagh,

1 Ean 2:20

Agh ta shiu er ny ooilaghey liorish y fer casherick, as toiggal eu ayns dy chooilley nhee.

Briwnyn 9:10

As dooyrt ny biljyn rish yn billey-figgagh, Tar uss, as reill harrin.

Briwnyn 9:8

Hie ny biljyn magh tra dy row dy ooilaghey ree harrystoo; as dooyrt ad rish yn billey-olive, Reill uss harrin.