Briwnyn 9:7 - Yn Vible Casherick 1775 1819

⁷ As tra va shoh er ny insh da Jotham, hie eh, as hass eh er mullagh slieau Gerizim, as hrog eh seose e choraa dy ard, as dooyrt eh roo, Clasht-jee rhym’s, shiuish gheiney Shechem, dy vod Jee cur clashtyn diuish.

Briwnyn 9:7 ပူးပေါင်းရင်းမြစ်များ

Genesis 37:6

As dooyrt eh roo, Clasht-jee, ta mee guee erriu, yn dreamal shoh va aym.

Raaghyn Creeney 21:13

Quoi-erbee dooinys e chleaysh noi eam yn ymmyrchagh, nee eshyn myrgeddin geamagh; agh cha vow eh clashtyn.

Raaghyn Creeney 28:9

Eh ta chyndaa ersooyl e chleaysh veih clashtyn y leigh, bee’n eer padjer echeysyn feohdoil.

Isaiah 1:15

As tra ta shiu skeayley magh nyn laueyn, neem’s my hooillyn y hyndaa veue: dy jarroo tra ta shiu goaill ymmodee padjeryn, cha jean-ym clashtyn: ta nyn laueyn lane folley.

Noo Ean 4:20

Ren ny ayraghyn ain ooashlaghey Jee er y clieau shoh; as ta shiuish gra, dy nee ayns Jerusalem ta’n boayl raad lhisagh sleih ooashlaghey.

Deuteronomy 11:29

As shoh myr vees eh, erreish da’n Chiarn dty Yee v’er choyrt lesh stiagh oo gys y cheer ta kiarit son dty eiraght, dy der oo yn bannaght er cronk Gerizim, as yn mollaght er cronk Ebal.

Deuteronomy 11:30

Nagh vel ad shoh er y cheu elley dy Yordan, lesh lhie ny greïney, ayns cheer ny Canaaniteyn, ta cummal ’sy cheer-rea, jeeragh er Gilgal, rish coanyn Voreh?

Deuteronomy 27:12

Nee ad shoh shassoo, er cronk Gerizim, dy vannaghey yn pobble, tra ta shiu er jeet harrish Jordan; Simeon, as Levi, as Judah, as Issachar, as Joseph, as Benjamin.

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.

Joshua 8:33

As ren ooilley Israel, as nyn shanstyr, as fir-oik, as nyn mriwnyn, shassoo er dagh cheu jeh’n arg, kiongoyrt rish ny saggyrtyn ny Leviteyn, va gymmyrkey arg conaant y Chiarn, chammah yn joarree as eshyn va ruggit ny mast’ oc; yn derrey lieh jeu jeeragh er cronk Gerizim, as y lieh elley jeeragh er cronk Ebal; myr va Moses sharvaant y Chiarn roïe er chur sarey, dy vannaghey pobble Israel

Briwnyn 9:6

As ren ooilley deiney Shechem chaglym cooidjagh, as ooilley deiney Millo, as hie ad as ren ad Abimelech nyn ree, liorish billey-darragh y phillar va ayns Shechem.

Briwnyn 9:8

Hie ny biljyn magh tra dy row dy ooilaghey ree harrystoo; as dooyrt ad rish yn billey-olive, Reill uss harrin.