Briwnyn 9:6 - Yn Vible Casherick 1775 1819

⁶ As ren ooilley deiney Shechem chaglym cooidjagh, as ooilley deiney Millo, as hie ad as ren ad Abimelech nyn ree, liorish billey-darragh y phillar va ayns Shechem.

Briwnyn 9:6 ပူးပေါင်းရင်းမြစ်များ

2 Samuel 5:9

Myr shoh ren David cummal ’sy chashtal, as ren eh genmys eh Ard-valley Ghavid: as hrog David ooilley mygeayrt, veih Millo as er cheu-sthie jeh.

1 Reeaghyn 12:1

As hie Rehoboam gys Shechem: son va ooilley Israel er jeet gys Shechem, dy yannoo eh ny ree.

1 Reeaghyn 12:20

As haink eh gy-kione, tra cheayll ooilley Israel dy row Jeroboam er jeet reesht, dy dug ad fys, as deïe ad er gys y cheshaght, as ren ad eh ny ree harrish ooilley Israel: cha row unnane deiyr er thie Ghavid, agh tribe Yudah ny-lomarcan.

1 Reeaghyn 12:25

Eisht hrog Jeroboam Shechem er cronk Ephraim, as ren eh cummal ayns shen; as hie eh magh veih shen, as hrog eh Penuel.

2 Reeaghyn 12:20

As hrog ny sharvaantyn echey, as ghow ad coyrle follit n’oï, as varr ad Joash ayns thie Millo, t’er y raad gys Silla.

Joshua 24:26

As ren Joshua ny goan shoh y scrieu ayns lioar leigh Yee, va ayns cabbane-agglish y Chiarn, as ghow eh clagh vooar, as hoie eh seose eh ayns shen fo billey-darragh.

Briwnyn 9:5

As hie eh gys thie e ayr ec Ophrah, as varr eh e vraaraghyn mec Jerubbaal, three-feed as jeih persoonyn, er yn un chreg: ny-yeih, va Jotham mac saa Jerubbaal faagit; son dollee eh eh-hene.

Briwnyn 9:7

As tra va shoh er ny insh da Jotham, hie eh, as hass eh er mullagh slieau Gerizim, as hrog eh seose e choraa dy ard, as dooyrt eh roo, Clasht-jee rhym’s, shiuish gheiney Shechem, dy vod Jee cur clashtyn diuish.