Briwnyn 9:57 - Yn Vible Casherick 1775 1819

⁵⁷ As ooilley’n olk ren deiney Shechem ren Jee y chooilleeney er nyn ghing hene: as orroo nyn-neesht haink mollaght Jotham mac Jerubbaal.

Briwnyn 9:57 ပူးပေါင်းရင်းမြစ်များ

2 Samuel 3:39

As ta mish nish faase, ga dy vel mee my ree ooilit; as ta ny deiney shoh mec Zeruiah ro chreoi er my hon: nee’n Chiarn y drogh-yantagh y chooilleeney cordail rish e olkys.

1 Reeaghyn 16:34

Ayns y lhing echeysyn ren Hiel yn Beth-elite troggal Jericho: hoie eh yn undin echey er baase Abiram e chied vac, as hoie eh seose ny giattyn echey er baase e vac saa Segub, cordail rish goo’n Chiarn, loayr eh liorish Joshua mac Nun.

1 Reeaghyn 2:32

As nee’n Chiarn chyndaa yn uill echey er e chione hene, ren tuittym er daa ghooinney ny s’ynrick as ny share na eh-hene, as varr eh ad lesh y chliwe, gyn-yss da my ayr David, ta shen dy ghra, Abner mac Ner, captan sheshaght-caggee Israel, as Amasa mac Jether, captan sheshaght-caggee Yudah.

Psalmyn 7:17

Son hig e obbyr er e chione hene: as tuittee yn olkys echey er e vollag hene.

Psalmyn 94:23

Cooilleenee eh orroosyn nyn olkys, as stroie-ee eh ad ayns y ghoanlys oc hene: dy jarroo, nee’n Chiarn yn Jee ain ad y stroie.

Raaghyn Creeney 5:22

Nee e vee-chairys hene yn vee-chrauee y ghreimmey, as bee eh sniemmit.

Isaiah 3:11

Smerg da’n drogh ghooinney! hig eshyn jeh dy doogh; son bee leagh e laueyn er ny choyrt da.

Joshua 6:26

As hug Joshua ad fo loo ec y traa shen, gra, Cursit dy row yn dooinney fenish y Chiarn nee goaill er dy hroggal yn ard-valley shoh Jericho: nee eh soiaghey yn undin echey ayns baase e vac shinney, as ayns baase e vac saa nee eh soiaghey seose e yiattyn.

Briwnyn 1:7

As dooyrt Adoni-bezek, Three-feed as jeih reeaghyn, va nyn ordaagyn laue as coshey giarit jeu, ren teiy nyn mee fo my voayrd’s: myr ta mish er n’yannoo, myr shen ta Jee er my chooilleeney. As hug ad lhieu eh gys Jerusalem, as hooar eh baase ayns shen.

Briwnyn 10:1

As lurg Abimelech, hrog seose dy livrey Israel Tola mac Puah, mac Dodo, dooinney dy Issachar, as v’eh cummal ayns Shamir, ayns slieau Ephraim.

Briwnyn 9:20

Agh mannagh vel, lhig da aile cheet magh veih Abimelech, dy stroie deiney Shechem, as thie Millo; as lhig da aile cheet magh veih deiney Shechem, as veih thie Millo, dy stroie Abimelech.

Briwnyn 9:24

Dy voddagh y dewlys jeant er ny three-feed as jeih mec Jerubbaal ve cooilleenit, as yn uill oc lhie er Abimelech nyn mraar, ren ad y varroo, as er deiney Shechem, ren cooney lesh dy stroie e vraaraghyn.

Briwnyn 9:45

As ren Abimelech caggey noi yn ard-valley fey-ny-laa shen; as ghow eh yn ard-valley as varr eh ny cummaltee, as lhieg eh voallaghyn yn ard-valley, as chuirr eh eh lesh sollan.

Briwnyn 9:56

Myr shen ren Jee cooilleeney er Abimelech yn olk ren eh da e ayr, liorish stroie ny three-feed as jeih braaraghyn echey.