Briwnyn 9:54 - Yn Vible Casherick 1775 1819

⁵⁴ Eisht deïe eh dy siyragh gys y dooinney aeg e armyder, as dooyrt eh rish, Tayrn dty chliwe, as marr mee, nagh jir ad, She ben ren y varroo eh. As roie yn dooinney aeg eh trooid, as shoh myr hooar eh baase.

Briwnyn 9:54 ပူးပေါင်းရင်းမြစ်များ

2 Samuel 1:10

Myr shen hass mee er, as varr mee eh, son dy row mee shickyr nagh row saase ny chour lurg da ve er duittym: as ghow mee yn crown v’er e chione, as y brashleid v’er e roih, as ta mee er choyrt lhiam ad gys my hiarn.

2 Samuel 1:7

As tra yeeagh eh ny yeï, honnick eh mish, as deïe eh dou: as dreggyr mish, Ta mee ayns shoh.

2 Samuel 1:9

As dooyrt eh rhym reesht, Shass, ta mee guee ort, orrym, as marr mee ass y raad; son ta mee ayns guinn y vaaish, ga dy vel ennal foast aynym.

2 Samuel 23:37

Zelek yn Ammonite; Naharai yn Beerothite, armyder Yoab mac Zeruiah,

1 Recortyssyn 10:4

Eisht dooyrt Saul rish e armyder, Tayrn dty chliwe, as roie mee trooid lesh; er-aggle dy jig ny chymmyltee shoh, dy voggyssagh harrym. Agh cha jinnagh e armyder laue er, son va rouyr aggle er. Myr shen ghow Saul cliwe, as huitt eh er.

1 Recortyssyn 10:5

As tra honnick e armyder dy row Saul marroo, huitt eshyn myrgeddin er e chliwe, as hooar eh baase.

1 Recortyssyn 11:39

Zelek yn Ammonite, Naharai yn Berothite, armyder Yoab mac Zeruiah,

Briwnyn 4:9

As dooyrt ee, Neem’s son shickyrys goll mayrt: agh ny-yeih cha bee’n jurnah shoh t’ou dy ghoaill gys dty ooashley; son nee’n Chiarn Sisera y livrey gys laue ben. As hrog Deborah urree, as hie ee marish Barak gys Kedesh.

Briwnyn 9:55

As tra honnick deiney Israel dy row Abimelech marroo, hie ad dy chooilley unnane gys e ynnyd hene.

1 Samuel 14:12

As dreggyr deiney’n gharrison Jonathan as e armyder, as dooyrt ad, Tar-jee seose hooin, as jeeagh mayd red ennagh diu. As dooyrt Jonathan rish e armyder, Tar seose my yeï; son ta’n Chiarn er livrey ad gys laue Israel.

1 Samuel 14:13

As ren Jonathan drappal seose er e laueyn as er e chassyn, as e armyder ny yeï: as v’ad er nyn yiarey sheese roish Jonathan; as varr yn armyder geiyrt er.

1 Samuel 14:14

As y chied slaughter shen ren Jonathan as e armyder, ve mysh feed dooinney, ayns mygeayrt lieh acre hallooin, oddagh cubbyl dy ghew y hraaue.

1 Samuel 14:17

Eisht dooyrt Saul rish y pobble va mârish, Gow-jee earroo’n sleih, dy yeeaghyn quoi t’er n’gholl voïn. As tra v’ad er ghoaill y coontey, cur-my-ner, cha row Jonathan as e armyder ayns shen.

1 Samuel 14:7

As dooyrt yn armyder rish, Jean ooilley ny t’ayns dty chree; chyndaa raad sailt; cur-my-ner, ta mish mayrt cordail rish dty aigney.

1 Samuel 16:21

As haink David gys Saul, dy hirveish eh: as v’eh ayns ard foayr rish; as haink eh dy ve ny armyder fo.

1 Samuel 31:6

Myr shoh hooar Saul baase, marish e hree mec, as e armyder, as ooilley ny deiney va mygeayrt-y-mysh myrgeddin, er y laa cheddin.