Briwnyn 9:53 - Yn Vible Casherick 1775 1819

⁵³ Agh cheau ben dy row peesh dy chlagh-wyllin er kione Abimelech, as vrish ee dy peeshyn e chlaigin.

Briwnyn 9:53 ပူးပေါင်းရင်းမြစ်များ

2 Samuel 11:21

Quoi woaill Abimelech mac Jerubbesheth? nagh hilg ben peesh dy chlagh-wyllin er veih’n voalley, dy dooar eh baase ayns Thebez? cre’n-fa hie shiu cha faggys da’n voalley? Eisht abbyr uss, Ta dty harvaant Uriah yn Hittite marroo myr-chaagh.

2 Samuel 20:21

Cha nee shen myr ta’n chooish: agh ta dooinney jeh slieau Ephraim (Sheba mac Bichri e ennym,) er hroggal seose e laue noi’n ree, eer noi David: jean-jee eshyn ynrycan y livrey hym, as faag-yms yn ard-valley. As dooyrt y ven rish Joab, Cur-my-ner, bee e chione tilgit magh hood’s harrish y voalley.

Lioar Yob 31:3

Nagh vel toyrt-mow cour ny mee-chrauee? as kerraghey atchimagh kiarit dauesyn ta cur-rish mee-chairys?

Jeremiah 49:20

Shen-y-fa eaisht-jee rish coyrle y Chiarn, t’eh er ghoaill noi Edom; as cre t’eh er chiarail noi fir-vaghee Teman: shickyr nee yn fer s’faase jeh’n chioltane ad y hayrn magh; dy firrinagh, nee eh jannoo nyn ynnydyn-vaghee follym-faase.

Jeremiah 50:45

Shen-y-fa eaisht-jee rish coyrle y Chiarn t’eh er ghoaill noi Babylon, as cre t’eh kiarit dy yannoo noi cheer ny Caldeanee; dy jean eer yn er s’faase ’sy chioltane ad y eiyrt magh; son shickyrys ver eh naardey nyn ynnyd-vaghee mâroo hene.

Briwnyn 4:9

As dooyrt ee, Neem’s son shickyrys goll mayrt: agh ny-yeih cha bee’n jurnah shoh t’ou dy ghoaill gys dty ooashley; son nee’n Chiarn Sisera y livrey gys laue ben. As hrog Deborah urree, as hie ee marish Barak gys Kedesh.

Briwnyn 9:15

As dooyrt y dress rish ny biljyn, My ta shiu dy jarroo dy ooilaghey mish dy ve ree harriu, eisht tar-jee as cur-jee nyn marrant er y scadoo aym’s; as mannagh jean shiu, lhig da aile cheet magh veih’n dress, as stroie biljyn-cedar Lebanon.

Briwnyn 9:20

Agh mannagh vel, lhig da aile cheet magh veih Abimelech, dy stroie deiney Shechem, as thie Millo; as lhig da aile cheet magh veih deiney Shechem, as veih thie Millo, dy stroie Abimelech.

Briwnyn 9:52

As haink Abimelech gys y toor, as ren eh caggey n’oï, as hionn eh gys dorrys y toor dy hoiaghey er aile eh.