Briwnyn 9:4 - Yn Vible Casherick 1775 1819

⁴ As hug ad da three-feed as jeih peeshyn argid ass tashtaghyn thie Baal-berith; lhieu shoh ren Abimelech failley sheshaght dy gheiney awane as eddrym, ren geiyrt er.

Briwnyn 9:4 ပူးပေါင်းရင်းမြစ်များ

2 Samuel 6:20

Eisht hyndaa David dy vannaghey lught e hie: as haink Michal inneen Saul magh quail David, as dooyrt ee, Cre cha gloyroil va ree Israel jiu, yeeagh eh hene rooisht jiu ayns fakin inneenyn-veyl e harvaantyn, myr ta’n fer gyn-nearey roostey eh hene!

2 Recortyssyn 13:7

As t’eh er haglym huggey deiney eddrym cloan Velial, ta er niartaghey ad-hene noi Rehoboam mac Solomon, tra va Rehoboam aeg, as lhag-chreeagh, as nagh voddagh eh shassoo nyn ’oï.

Lioar Yob 30:8

V’ad cloan volvaneagh, cloan chercheenee, v’ad ny s’melley na joan ny hooirey.

Raaghyn Creeney 12:11

Bee eshyn ta laboragh e halloo jeant magh lesh arran: agh eshyn ta taaghey marish stroialtee, t’eh laccal tushtey.

Zephaniah 3:4

Ta ny phadeyryn eck deiney eddrym as cluicagh: ta ny saggyrtyn eck er an-chasherickey yn ynnyd casherick, t’ad er vrishey stiagh er y leigh.

Jannoo 17:5

Agh ny Hewnyn mee-chredjuagh greinnit lesh goanlys, ghow ad huc shiartanse dy ghrogh gheiney mee-reiltagh; as tra va chaglym mooar jeu oc, hug ad ooilley yn ard-valley bun-ry-skyn, as vrish ad stiagh er niart ayns thie Jason, er-chee ad y choyrt lhieu magh gys y pobble.

Briwnyn 11:3

Eisht chossyn Jephthah roish veih e vraaraghyn, as chum eh ayns cheer Tob: as va deiney eddrym as wagaantee er nyn jaglym gys Jephthah, as hie ad magh mârish.

Briwnyn 8:33

As haink eh gy-kione, lurg baase Ghideon, dy ren cloan Israel chyndaa dy lhiattee, as hie ad er-shaghryn geiyrt er Baalim; as ghow ad Baal-berith dy ve yn jee oc.

Briwnyn 9:27

As hie ad magh trooid ny magheryn, roostey ny garaghyn-feeyney, as ren ad feeyn, as v’ad gennal, as hie ad gys thie yn jee oc, as ren ad gee as giu, as ghwee ad mollaght er Abimelech.

1 Samuel 22:2

As ren dy chooilley ghooinney va tranlaasit, ny fo feeaghyn, ny sou-aigney, ad-hene y haglym huggey; as v’eh ny chaptan orroo: as va mârish mysh kiare cheead dooinney.