Briwnyn 9:2 - Yn Vible Casherick 1775 1819

² Loayr-jee, ta mee guee erriu, ayns clashtyn ooilley deiney Shechem, Cre share te diu, ooilley mec Jerubbaal, (ta three-feed as jeih persoonyn,) na un dooinney dy reill harrishdiu? cooinee-jee myrgeddin dy nee mish fer jeh’n chraue as yn eill eu hene.

Briwnyn 9:2 ပူးပေါင်းရင်းမြစ်များ

Genesis 29:14

As dooyrt Laban rish, Son shickyrys, t’ou my chraue as my eill: as duirree eh mârish mee dy hraa.

2 Samuel 19:13

As abbyr-jee rish Amasa, Nagh vel uss jeh my chraue, as jeh my eill? Dy jean Jee myr shen rhym’s, as ny smoo neesht, mannagh bee uss ard-chaptan y cheshaght-chaggee aym’s choud’s bio oo, ayns ynnyd Yoab.

1 Recortyssyn 11:1

Eisht ren ooilley Israel ad-hene y haglym cooidjagh gys David, ec Hebron, gra, Cur-my-ner, ta shin dty chraue as dt’eill.

Ephesianee 5:30

Son ta shin oltyn jeh e chorp, jeh’n eill, as jeh ny craueyn echey.

Hebrewnee 2:14

Son wheesh eisht dy vel y chloan goaill ayrn jeh feill as fuill, ghow eshyn eh-hene myrgeddin ayrn jeh lheid cheddin: dy voddagh eh liorish baase eshyn y stroie va pooar y vaaish echey, ta shen, yn jouyl;

Briwnyn 8:30

As va ec Gideon three-feed as jeih mec, er ny gheddyn jeh e chorp hene: son va echey ymmodee mraane.

Briwnyn 9:18

As ta shiuish nish er n’irree-magh noi thie m’ayrey, as er varroo e vec, three-feed as jeih persoonyn, er yn un chreg, as er n’yannoo Abimelech, mac e inney-veyl, ny ree harrish deiney Shechem, son dy nee nyn mraar eh;)

Briwnyn 9:5

As hie eh gys thie e ayr ec Ophrah, as varr eh e vraaraghyn mec Jerubbaal, three-feed as jeih persoonyn, er yn un chreg: ny-yeih, va Jotham mac saa Jerubbaal faagit; son dollee eh eh-hene.